Congregatio de Causis Sanctorum 501

Ob eius sanctitatis famam spontaneam, continuam et duraturam Causa Beatificationis et Canonizationis apud Curiam Episcopalem Bereinitanam in Papua Nova Guinea inita est per celebrationem Inquisitionis dioecesanae a die 6 mensis Novembris anno 1984 ad diem 21 mensis Martii anno 1987, cuius auctoritas et vis iuridica ab hac Congregatione de Causis Sanctorum die 18 mensis Novembris anno 1988 probatae sunt.

Positione confecta, in Congressu Peculiari Consultorum Theologorum die 12 mensis Novembris anno 2013 prospero cum exitu disceptatum est, iuxta consuetudinem, an Servus Dei more heroum virtutes christianas exercuisset.

Patres Cardinales et Episcopi in Sessione Ordinaria diei 15 mensis Apri- lis anno 2014, cui egomet ipse Angelus Cardinalis Amato praefui, professi sunt Servum Dei virtutes theologales, cardinales iisque adnexas in modum heroum exercuisse.

Facta demum de hisce omnibus rebus Summo Pontifici Francisco per infrascriptum Cardinalem Praefectum accurata relatione, Sanctitas Sua vota Congregationis de Causis Sanctorum excipiens rataque habens, hodierno die declaravit: Constare de virtutibus theologalibus Fide, Spe et Caritate tum in Deum tum in proximum, necnon de cardinalibus Prudentia, Iustitia, Temperantia et Fortitudine iisque adnexis in gradu heroico Servi Dei Alani Guynot de Boismenu, Archiepiscopi tit. Claudiopolitani, olim Vicarii Apos- tolici Papuensis, e Congregatione Missionariorum Sacratissimi Cordis Iesu, in casu et ad effectum de quo agitur .

Hoc autem decretum publici iuris fieri et in acta Congregationis de Causis Sanctorum Summus Pontifex referri mandavit.

Datum Romae, die 15 mensis Aprilis a.D. 2014.

angEluS Card. amato, S.d.B.

Praefectus

L. G S.

G marcElluS Bartolucci

Archiep. tit. Mevaniensis, a Secretis