192 EX S. G. RITUUM

e vita migravit, die Festo Impressionis Ss. Stigmatum S. Fran- cisci 17 Septembris eodem anno. Corpus Servi Dei rite .compo- situm in coemeterio, cui a Stalieno nomen est inditum, pie re- conditum, atque a communi sepulcro in monumentum marmo- reum, Ianuensium pietate impensisque erectum, dein translatum, cives e quolibet ordine confluentes attrahit. Praeterea humilis laici Professi fama magis magisque increbrescente, Ordinaria Inquisitio in Ecclesiastica Curia Ianuensi super ea iure instituta fuit et Sacrae Rituum Congregationi exhibita. Instante vero R m o Dno Bernardo M. Nardi Episcopo Thebano et Postulatore Ge- nerali Ordinis Minorum S. Francisci Capuccinorum, Sanctis- s imus Dominus Noster Leo Papa XIII, iam approbata, die 11 Februarii 1895, sententia Sacrae eiusdem Congregationis super revisione scriptorum Servi Dei, subsequentibus Decretis 15 Iu- nii 1895 et 8 Iunii 1896 benigne concessit, ut dubium de Causa introducenda eiusdem Servi Dei, ante praescriptum lapsum de- cennii, in Congregatione ordinaria absque interventu et voto Consultorum proponeretur. Quare ad enixas iteratasque preces memorati Postulatoris, attentis epistolis postulatoriis plurium Rmorum Archiepiscoporum, Episcoporum, Abbatum et Capitu- lorum, Emus et Rmus Dnus Cardinalis Camillus Mazzella, hu- iusce Causae Relator, in ordinario Sacrae Rituum Congrega- tionis Coetu, subsignata die, ad Vaticanum habito, sequens du- bium discutiendum proposuit, nimirum : « An sit signanda Commissio Introductionis Causae in casu et ad effectum, de quo agitur? » Et Sacra eadem Congregatio, omnibus mature perpensis et audito R. P. D. Gustavo Persiani, Sanctae Fidei Pro- motoris munere fungente, rescribendum censuit : « Affirmative, seu signandam esse Commissionem, si Sanctissimo Domino pla- cuerit ». Die 28 Iulii 1896.

Quibus omnibus Sanctissimo Domino Nostro Leoni Papae XIII per infrascriptum Cardinalem Sacrae Rituum Congregationi Praefectum relatis, Sanctitas Sua rescriptum Sacrae eiusdem Congregationis ratum habens, propria manu signare dignata est commissionem introductionis Causae praedicti Venerabilis Servi Dei Francisci a Camporubeo, die 9 Augusti eodem anno.

L. * S. C. C A R D . ALOISI-MASELLA, & R. C. Praefectus.

A. T R I P B P I , S. R. C. Secretarius.