Congregatio de Causis Sanctorum 503

a Sancta Elisabeth « Bigia », illius parentibus, ut pro sanationis gratia, communi oratione, obtinenda beatum Ludovicum a Casaurea invocarent, suasit. Apposi- ta cum fide dextro recentis natae genui reliquia e Beati ossibus, circa horam decimam quartam cum dimidio diei Dominicae invocationem subsequentis, die 12 mensis Iunii anno 1994, artum iustam conformationem anatomicam sponte ac definitive assumpsisse est expertum. Puellulae crescenti, quae posthac vitam omnino ordinariam agit, artus numquam condoluit.

De mira asserta sanatione a die 18 mensis Septembris anno 2004 ad diem 12 mensis Martii anno 2007 apud Curiam Cerretanam-Thelesinam-Sanctae Aga- thae Gothorum celebrata est Inquisitio canonica, cuius validitas a Congregatione de Causis Sanctorum Decreto diei 30 mensis Novembris anno 2007 est agnita. Dicasterii Collegium Medicorum in duabus subsequentibus sessionibus, altera die 10 mensis Maii anno 2012, altera die 16 mensis Ianuarii anno 2014 habita, est congregatum atque sanationem ex scientia inexplicabilem fuisse declaravit. Die 6 mensis martii anno 2014, Congressus Peculiaris Consultorum Theologorum factus est ac, die 15 mensis aprilis eiusdem anni, Sessio Ordinaria Patrum Cardinalium et Episcoporum, cui egomet ipse Angelus Cardinalis Amato praefui. Et in utro- que coetu sive Consultorum sive Cardinalium et Episcoporum, posito dubio an de miraculo divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Francisco per subscriptum Cardinalem Praefectum accurata relatione, Sanctitas Sua vota Congregationis de Causis Sanctorum excipiens rataque habens, hodierno die declaravit: Constare de miraculo a Deo patrato per intercessionem Beati Ludo- vici a Casaurea (in saec.: Archangeli Palmentieri), Sacerdotis Professi Ordinis Fratrum Minorum, Fundatoris Congregationis Sororum Franciscalium a Sanc- ta Elisabetha v.d. "Bigie", videlicet de celeri, perfecta ac constanti sanatione cuiusdam puellulae a "displasia di 2° grado del ginocchio destro, con prognosi riservata quoad valetudinem, in terapia totalmente assente".

Hoc autem decretum publici iuris fieri et in acta Congregationis de Causis Sanctorum Summus Pontifex referri mandavit.

Datum Romae, die 15 mensis Aprilis a.D. 2014.

angEluS Card. amato, S.d.B. Praefectus

L. G S.

G marcElluS Bartolucci Archiep. tit. Mevaniensis, a Secretis