Congregatio de Causis Sanctorum 507

VALENTINA

Beatificationis et Canonizationis Servi Dei Saturnini López Novoa Presbyteri Dioecesani

Fundatoris Congregationis Parvarum Sororum Pro Senibus Derelictis († 1830-1905)

DECRETUM SUPER VIRTUTIBUS

« Ad maiorem Dei gloriam! ». Quae totam Sancti Ignatii spiritualitatem

signant verba, eadem Servi Dei Saturnini López Novoa pandunt vitam

et conversationem, qui quibusvis in adiunctis, per amorem Iesu eximium

suipsius sanctificationis calcans semitas, gloriam Dei iugiter quaesivit

egenis miserrimis adiuvandis summopere devinctus, in quibus vultum

Christi patientis conspicabatur.

Servus Dei die 29 mensis Septembris anno 1830 Seguntiae prope Guada-

laiaram in Hispania natus est. Vix quinque annos natus, iam matre orbatus

est et a proamita Emmanuela institutus, quae soror erat aviae cuiusdam

Saturnini necnon mater Reverendi Domini Basilii Gil Bueno, postea epis-

copi Oscensis.

Adeo Saturnini apte floruit indoles, ut signa vocationis ad vitam sa-

cerdotalem in natura quadam eius iucunda moderataque prudentique et

acuta iam inde ab infantia inniterentur. Exinde, cum decimum secundum

aetatis agebat annum, Seminarium primum Seguntinum ingressus est et,

paucis post annis, Barbastrense. Per universum iter institutionis Seminarii

alumnum ita se ostendit eximium, ut iam ante ordinationem coadiutor ac

magister Litterarum et linguae latinae eligeretur. Deinde, Barbastrum mi-

gravit, ubi administrationis officiis functus est et munus quoque magistri

apud Seminarium dioecesanum exercuit. Die 22 mensis Septembris anno

1855, presbyteratu auctus est.

Vita eius abhinc Aragoniae Superiori et Reverendo avunculo Domino

Basilio arctius coniuncta est, cuius Secretarius fuit tempore quo ille sive Vi-

carii Capitularis et Administratoris Apostolici onera sumpsit sive ad Sedem

episcopalem Oscensem vocatus est. Anno 1861, Servus Dei titulum doctoris

in Sacra Theologia adeptus est et, anno 1864, Canonicus ecclesiae cathedralis

Oscensis nominatus. Sexta illius saeculi exeunte decade, motibus seditionis

in Hispania grassantibus, avunculus Episcopus exsul Caesaraugustam se-

positus est, quo Saturninus ipse se contulit, ut Secretarii officia exercere