Congregatio de Causis Sanctorum 511

naviter incubuit ad creandos choros Eucharistiae susceptorum, cultus perpe-

tui adque fundandas et alendas sectiones locales adoratorum nocturnorum

necnon ministrarum, quae ad aediculas sacras pararent.

Civium seditione mensis Septembris anno 1868 atque tertio bello civili

vulgo nuncupato Carlista (1872-1876) orientibus, Servus Dei fundavit con-

sociationem patriam advocatorum, ut ageret causam fidelium catholicorum

et sectatorum Caroli, principis e domo regia, qui exagitabantur. Auxilio

memoratae consociationis, Servus Dei, Generalis Praefectus pro captivis

permutandis, constituit quasi rete, quo liberavit ab exsilio a castris car-

ceraliis et persaepe a morte ingentem summam captivorum, plus minusve

explevit numerum viginti trium milium hominum, pariter tuens amicos et

inimicos. Aloisius etiam populi legatus fuit prius factionis liberalis (anno

1853), deinde factionis nuncupatae Carlista (anno 1871), exercens munus

politicum magna cum caritate, secundum mandatum diligendi invicem, quod

Dominus nobis dedit.

Summa eius fides effecit eximiam caritatem. « Si fidem », inquit, « dissimu-

latis, mundus non censebit vos habere eam. Si autem non iactanter sed sine

timore fidem profitemini, adducetis mundum ad credendum. Opus non est

nos esse perfectos, ut egregio hoc munere fungamur ». Saepe etiam dicebat:

« Spes divini auxilii infinita et sine modo esse debet ». Quoad autem humi-

litatem adfirmabat: « Adamo humilitatem, quamvis ea caream. Nonnullae

causae sunt, ut hanc virtutem existimem, praesertim qui patientiae expers

sim, impatientia omnino pars aversa a humilitate est... ». Fons omnium

virtutum eius Eucharistia erat, quia « Virtutes Iesu mystice subsistent in

tabernaculo sub accidentibus Sacramentalibus, unde redundant ad christiana

corda, quae digne Eucharisticum Sacramentum sumunt ».

Servus Dei mortem obit Oceli die 1 mensis Ianuarii anno 1891 postea-

quam per tres dies morbo laboravit, dum sectiones adoratorum et minis-

trarum aedicularum sacrarum in Zamorensi urbe invisebat. Sacramentis

pie receptis, obiit omnibus exemplum praebens fidei vivae et firmae spei

in promissis salutis, quae Dominus dedit se diligentibus.

Ob indesinentem eius et in dies progredientem sanctitatis famam, apud

Curiam Ecclesiasticam Zamorensem peracta est Inquisitio dioecesana a die

20 mensis Maii anno 1993 usque ad diem 29 mensis Ianuarii anno 2000,

cuius auctoritas et vis iuridica ab hac Congregatione de Causis Sanctorum

die 24 mensis Novembris anno 2000 probatae sunt. Positione confecta, die