QUAESTIO UNICA.

An homo teneatur post Deum, maxime diligere se ?

Alens. 3. part, collat. 68. art. 5. D. Thom. 2. 2. quaest. 26. art. 4. et hic quaest, I. art. 5. D. Bonav, art. I. quaest. 3. Richard. art . I. quaest . 5. Palud. 4. d . 15. quaest . 3. art. 2. Valent. 2. 2. d. 3. q . 4. part . 3. Soto 5. de Justit. quaest, I. art . 6. Petr. Navar. lib. 2. de Restit. cap. 3. num. 41. d . 3. d. 17. q . 6. Bellarm. 3. de operibus bonis, cap. 8. Tolet. lib . 10. Sum. cap. 32.

Circa distinctionem vigesimam nonam quaeritur : An homo teneatur maxime diligere se ex charitate post dilectionem Dei? Quod non, 3. Ethic. cap. 9. amatores sui vituperantur. Item, et per Apostolum, 2. Tim. cap. 3. In illis diebus erunt homines sese amantes. Item Augustinus de Civit. duas civitates faciunt duo amores Dei et proximi. Item, Gregorius in hom. super illud, Luc. 10. Misit illos binos, etc. Nemo ad se charitatem habere dicitur.

Item, si quis teneretur diligere se minus Deo, eliciens actum intensiorem circa se quam circa Deum, peccaret mortaliter ; hoc non est verum, quia contrarium experiuntur Sancti. Similiter hoc videtur secundum inclinationem naturalem.

Item, quod non tenetur ex charitate diligere se plusquam proximum, quia ex charitate diligitur bonum in se ; igitur majus bonum et melius magis ; ergo proximum meliorem te magis teneris diligere.

Contra, dilectio sui ponitur mensura respectu dilectionis proximi a Salvatore, juxta illud, Matth. 19. et 22. Et proximum tuum sicut teipsum. Sed mensura prior et perfectior est mensurato ; ergo, etc.