NANCEIENSIS ET TOULLENSIS 211

continentia mulieris, vexationes et consortium maritale odio- sum, ob rixas, convicia et cetera huiusmodi, pertimescendae nimis in tali miserrimo coniugio. Quoad haec DD. sunt una- nimes, praesertim recentiores, et Card. de Luca, De Ma- trim, lib. 14, dis. 9, nn. 7, 8, ait « Communis est Cano- nistarum sententia, quam... servat Curia Romana, ut Papa, ex iusta vel honesta causa, illa praesertim odii et inimi- citiarum, dispensare possit super matrimonio rato tantum ». Sufficit etiam, videtur, quando coniuges valde sibi displi- cent, scandalum, quod evenire potest ob inimicitias, quae inter eorum cognatos vel eorum consanguineos timentur; Sánchez ad Tit. Disp. 16, n. 3.

Haec omnia favent oratrici in casu, et suadent dispen- sationem, dummodo inconsummati» sit extra omne dubium; quia nulla est potestas dispensandi in matrimoniis consum- matis fidelium : « quod, enim, Deus coniunxit homo non separet ». Tota ergo vis disputationis circa hoc versabitur : utrum, cohabitatione sex hebdomadarum circiter, non ob- stante, probari possit, et reipsa probetur, matrimonium a Rogerio et Maria inter se contractum, inconsummatum re- manserit ?

Quoad possibilitatem probationis in genere, nullum pot- est esse dubium. Si enim argumentis certis impotentia viri evincatur, et simul constet de integritate mulieris e talamo nuptiali egressae, res omnino conficitur : conficitur quoque, si de uno extremorum, aequali certitudine, constet, scil. aut de impotentia viri, aut de virginitate mulieris. Hoc de- ducitur ex Decreto Greg. VII Cap. Proposuisti, de Probat. « Mulier proposuit, se nec a viro cognitam, nec potuisse co- gnosci, quod tam proprio iuramento, quam testimonio septem mulierum probavit, quae per aspectum corporis eam esse virginem asseruerunt, viro per iuramentum suum contra- rium, asserente. Videtur igitur nobis, quod iuramento puellae et testimonio illarum septem mulierum fides est adhibenda ».

Verissimum est, in iure novissimo plura quoad proces- sus matrimoniales requiruntur, quae in Constitutione Bene-