212

CONFRATERNITAS quotidianae et universalis adorationis, rite Taurini erecta, in- dulgentiis honestatur.

LEO PP. X I I I .

AD FUTURAM R E I MEMORIAM.

Cum, sicuti accepimus, pia Christifidelium Confraternitas sub titulo « Adorationis quotidianae universae Augustissimi Sacramenti » in civitate Taurinensi canonice erecta sit, cuius sodales S S m o Eucharistiae Sacramento sive quotidie publicis in Ecclesiis adorando, sive in Viaticum morientibus allato qua par est dignitate comitando, iniurias Illi factas sarcire sibi po- tissimum proponant, Nos quo Sodalitas huiusmodi maiora in dies incrementa suscipiat, de Omnipotentis Dei misericordia ac B B . Petri et Pauli App. eius auctoritate confisi, omnibus et sin- gulis eius sodalibus qui vere poenitentes et confessi ac S. Com- munione refecti quamlibet Ecclesiam, ubi pium supradictum opus institutum fuerit, quatuor anni diebus ab Ordinario semel tantum designandis, a primis vesperis usque ad occasum solis dierum huiusmodi quotannis devote visitaverint, ibique pro- Christianorum Principum concordia, haeresum extirpatione, pec- catorum conversione ac Sanctae Matris Ecclesiae exaltatione, pias ad Deum preces effuderint, quo die praedictorum id ege- rint, plenariam omnium peccatorum suorum Indulgentiam et remissionem misericorditer in Domino concedimus. Praeterea iisdem sodalibus corde saltem contritis, qui Sacramentum au- gustum quacumque in Ecclesia devote pariter visitaverint atque ibi, ut supra dictum est, oraverint, tercentos dies ¡de iniunctis eis seu alias quomodolibet debitis poenitentiis in forma Ecc le - siae consueta relaxamus. Quas omnes et singulas Indulgentias, peccatorum remissiones ac poenitentiarum relaxationes etiam animabus Christifidelium, quae Deo in charitate coniunctae ab hac luce migraverint, per modum suffragii applicari posse au- ctoritate Nostra Apostolica largimur. Praesentibus ad septen- nium tantum valituris.

Datum Romae apud Sanctum Petrum sub Annulo Piscatoris, die I Maii MDCCCXCIII, Pontificatus Nostri anno sexto decimo^

S. CARD. VANNUTELLI , Praef.

EX SECRETARIA BREVIUM