Sermo III.

Panis, quem ego dabo, caro mea est pro mundi vita, Ioannis sexto

Exprimitur in his verbis sacramentale mysterium, quod sanctissima mater Ecclesia hodie recolit institutum. Describitur autem quantum ad tria, scilicet quantum ad signum extrinsecum et sensibile, ibi: Panis, quem ego dabo; quantum ad content um intrinsecum et insensibile, ibi: caro mea est; quantum ad effectum proficuum et perceptibilem, ibi: pro mundi vita. Apparentia autem visibilis excitat sensum, existentia invisibilis superat intellectum, sed efficacia mirabilis delectat affectum.

Dicitur ergo: Panis, quem ego dabo etc. Haec promissio (exsecutioni) data est in coena; Matthaei vigesimo sexto: Coenantibus a utem eis, accepit Iesus panem et benedixit ac fregit deditque discipulis suis; et primae ad Corinthios undecimo: Dominus Iesus, in qua nocte tradebatur, accepit panem et gratias agens, fregit et dixit: Accipite et manducate, hoc est corpus me um . De multiplici pane quaere quarta Dominica Quadragesimae.

I. Hic autem panis sumendus est primo cum sin ceritate conscientiae; primae ad Corinthios undecimo: Probet autem se ips um homo, et sic de pane illo edat et de calice bibat . Qui enim manducat et bibit indigne, i udici um sibi manducat et bibit; primo, quia secus citius corporaliter molitur, ut dicitur primae ad Corinthios undecimo: Ideo i nter vos multi infirmi et imbecilles, et dormiunt multi. Secundo , quia omnibus bonis spiritualibus spoliantur; Habacuc secundo: Spoliabu nt te omnes propter sanguinem hominis, id est Christi. Tertio, quia talis anima magis ac magis excaecatur, defendatur et polluitur ; Threnorum quarto : erraveru nt caeci in plateis, polluti sunt in sanguine, scilicet

Iesu Christi. Quarto, quia in iudicio extremo gravius accusabuntur et damnabuntur ; ibi ipse sanguis Christi contra indignos allegabit et accusabit; Iob: Terra, ne operias sanguinem meum; sic clamabit contra falsos predicatores et venditores corporis et sanguinis Christi. Hi sunt indigne conficientes et sumentes. Gregorius: " Exemplo Iudae Filium hominis tradit qui illud inviolabile dominici corporis Sacramentum violare praesumit ". O quid faciunt continui traditores Christi, qui toties indigne celebrant et communicant ! O si multi pro una incontinentia sola, pro unica superbia, avaritia vel invidia tam dure in iudicio damnabuntur, qua fronte tunc comparebunt qui . toties Christum tradunt?

Necesse ergo est, ut cor hominis prius purgetur, ubi recipi debet tam pretiosum, tam nobile balsamum, totus thesaurus caelorum, omnis gloria Angelorum, Dominus saeculorum, iudex vivorum et mortuorum; primae ad Corinthios undecimo : Quicumque manducaverit panem hunc, vel biberit calicem Domini indigne, reus erit corporis et sanguinis Domini. Mundamini ergo, qui fertis vasa Domini, Isaiae quinquagesimo secundo.

II. Secundo debet esse spiritualis affectio a " percipiente. Rusticus esset qui, pransurus laute cum principe impleret ventrem faba vel lente. Sic qui delectantur circa terrena; unde primae ad Corinthios decimo : Non potestis mensae Domini participes esse et mensae daemoniorum. Desiderabile esset illud Sacramentum, etiam si sola caro tam nobilis daretur in cibum; sed nunc potius, cum tria nobilissima fercula quasi in una scutella sunt posita, scilicet caro, quae dulcis; Ioannes: Caro mea vere est cibus; anima, quae dulcior et carne nobilior; Ioannes: Spiritus est, qui vivificat; divinitas, quae dulcissima; Psalmus : Quam magna multi tudo dulcedinis tuae, Domine; Sapientiae decimo sexto: Panem de caelo praestitisti populo tuo omne delectamentum i n se habentem et omnis saporis suavitatem. Quid miram ? ipse est inquem desiderant Angeli prospicere. Si tantum delectat visos, quantum gustus ! Ecce, fercula mensae Christi. O ineffabilis dilectio ! Si multum diligit qui dat sua, quantum qui dat se ipsum ?

Nam ipse dedit se in sacrificium reconciliationis ad placandam Patris iram; Psalmus : Sacrificium et oblationem noluisti, nec placuerunt tibi, Domine, ut in Lege Moysi; tunc dixi : Ecce, venio; et iterum: Tunc acceptabis, Deus Pater, sacrificium iustitiae, videlicet oblatum a Christo, Filio tuo carissimo.

Item, in pretium redemptionis; primae Petri primo : Non corruptibilibus auro vel argento redempti estis, sed pretioso sanguine quasi agni immaculati Christi; et Apocalypsis quinto: Redemisti nos Deo i n sanguine tuo, ablatos diabolo cuius erant; non quasi diabolo pretium fuerit datam, ut homo liberaretur; sed pretium fuit ipsi Maiestati offensae oblatum, ut, restituto honore, diabolus, qui iniuste hominem invaserat, spoliaretur.

item, in cibum refectionis. Adam comederat cibum vetitum sibi et filiis suis in mortem, sed Christus dedit se in cibum vitae ad vitam.

Sed heu ! quibusdam non sapit iste cibus, quantum natura eius exigit, propter tria, scilicet propter sensus adustionem, qualiter est in infirmis, qui prae infectione gustus non delectantur in cibo, quantumcumque sit dulcis; Psalmus : Omnem escam abominata est anima eorum, et appropinquaverunt usque ad portas mortis; Iob trigesimo tertio: ''Abominabilis ei fit in vita sua panis, et animae illius cibus ante desiderabilis.

Item, propter sensus repletionem, qualiter est in saturatis; Proverbiorum vigesimo septimo : Anima saturata calcabit favum, et anima esuriens etiam amarum pro dulci sumet; primae ad Corinthios undecimo: Convenientibus vobis in unu m, iam non est dominicam coenam manducare. ''Bernardus : " Pretiosa est divina consolatio nec datur admittentibus alienam ".

Item, propter sensus defectionem, qualiter est in attenuatis fame, qui pressi defectione gustare non possunt; Psalmus : Oblitus sum comedere panem meum. Similiter fit de diu detentis in tenebris, qui lumen aspicere non possunt; Psalmus: Oculi mei languerunt prae inopia. Exemplum de Heli, qui non poterat videre. Lucerna Dei antequam exstingueretur, primi Regum tertio.

Non hic manducat corpus Christi salubriter, quia perfectorum est solidus cibus et qui pro longa cons uet udine exercitatos habent sensus ad delectationem bonam, ad Hebraeos quinto .

III. Tertio debet esse gratiarum aetio a recedente ; Psalmus : Edent pauperes et saturabu ntu r et laudabu nt Dominum, propter multiplicem huius panis effectum. Habet enim virtutem vivificandi, quia sine isto pane non potest quis habere vitam; Ioannis sexto: Ego sum panis vitae; qui manducat hunc panem vivet in aeternum. Habet etiam virtutem peccat a delendi; Innocentius: " Eucharistia, si digne sumatur, a malo liberat et confirmat in bono, venialia delet et cavet mortalia ". Tertio habet virtutem glorificandi; Psalmus : Panem Angelorum manducavit homo; i dem: Satiabor, cum apparuerit gloria tua, quae modo quodam modo latet in eucharistia; Lucae vigesimo secundo : Ego dispono vobis, sicut disposuit mihi Pater meus regnum, ut alatis et bibatis super mensam meam in regno meo.

Vae illis qui negligunt hanc mensam! quia non solum non cantabunt, sed miserrime lugebunt; servi Domini laetabuntur, sed isti confundentur sicut dicitur Isaiae : Ecce, servi mei comedent, et vos esurietis; ecce, tertii mei bibent, et vos sitietis ; ecce, servi mei laetabuntur, vos autem confundemini; ecce, servi mei laudabunt prae exsultatione cordis, et vos clamabitis prae dolore cordis.