EX S. C. S. R. U. INQUISITIONIS 225

dari, aut catholicorum alumnorum mores ac maxime ñdem pe- riclitan ullimode contingat.

Quare, in primis, nullo pacto sinendum erit ut pro reli- giosa alumnorum schismaticorum institutione catechista schi- smaticus a catholicis scholarum moderatoribus deputetur, quam- vis forte id sub tacita vel etiam expressa conditione fiat ut ca- techista schismaticus (quod multo minus a catechista catholico exigi posset) ea tantum tradat quae catholicae et schismaticae doctrinae sunt communia. Ne autem exinde schismaticorum querimoniis ansa praebeatur, poterunt catholici moderatores hac super re passive se habere, tolerare nimirum ut alumni schi- smatici, a catechistis schismaticis, propriis eorum expensis atque in loco, quantum fieri poterit, a scholis catholicis separato, in- struantur; vel ut una cum catholicis doctrinam catholicam do- ceantur.

Pariter permitti non potest, propter manifestum periculum, cui catholici adolescentes exponerentur, ut metaphysices vel ethices aliaeve his similes scientiae aut disciplinae a magistris non catholicis tradantur. « Auctoritas quippe praeceptorum quae maxime in adolescentium animis valet (ut iam alias haec ea- dem Suprema Congregatio adnotabat), ad ea omnia approbanda quae in iis vident ex iisve audiunt, naturali quadam vi, eos ra- pit; quo fit ut illorum erga religionem indifferentia, errores ipsi haereticales, catholicaeque religionis contemptus, venenato quo- dam halitu, tenella pectora inficiat, extinctoque calore omni pie- tatis, penitus corrumpat ».

E contra, ad idiomata vel scientias naturales aut mathema- ticas aliasve quae materiam a religione omnino distinctam ha- bent, tradendas, acatholicos praeceptores sub catholicorum mo- deratorum vigilantia, adhibere per se illicitum non est; siqui- dem igitur ob peculiares loci circumstantias vera id necessitas exigat, tolerari poterit ut adhibitis debitis cautionibus ad omnia pericula a catholicis adolescentibus propulsanda, eorum opera uti valeas.

Quod, demum, spectat ad libros, de re scilicet profana ab acatholicis conscriptos, urgente necessitate, iis uti per se non est prohibitum; dummodo tamen nullum contineant errorem vel, si continebant, emendati fuerint.

Hisce prae oculis habitis, sperat S. Congregatio futurum ut iuxta peculiares istorum locorum necessitates, salvo naturali