Sermo II.

Dominica Resurrectionis. Sermo fratris Bonaventurae in Conventu Fratrum, Parisius.

Si consurrexistis cum Christo, quae sursum sunt quaerite, ubi Christus est, in dextera Dei sedens, quae sursum sunt sapite, non quae super terram, ad Colossenses tertio .

In his verbis ostendit Apostolus nobis tria, scilicet qualiter debet conformari resurrectioni dominicae nostra conversatio, cum dicit: Si consurrexistis cum Christo; ubi debet ferri nostra cogitatio, cum subdit: ubi Christus est, in dextera Dei sedens; ubi debet poni nostra affectio, cum addit: quae sursum sunt sapite, non quae super terram.

I. Circa primum nola, quod conformitas nostrae resurrectionis spiritualis ad resurrectionem Domini attendenda est circa tria: ut sicut illa sit vera, non phantastica per duplicitatem; Lucae ultimo : Surrexit Dominus vere etc.

Accelerata .

non retardata propter fragilitatem; Matthaei vige simo octavo : Cito euntes, di cite discipulis eius, quia surrexit e tc.

Non iterata, sed unica per stabilitatem; ad Romanos sexto : Christus, resurgens ex mortuis, iam non moritur.

Resurrectio antem probatur vera, si habet experimentum quinque sensuum integritatis sicut Christus, qui probavit, se surrexisse, per visum, auditum, olfactum, gustum et tactum; per visum, cum dixit: Videte manus meas et pedes, quia ego ipse sum; per auditum, cum dixit: Haec sunt verba, quae locutus sum ad vos, cum adhuc essem vobiscum; per odoratum, cum insufflavit; per gustum, cum manducavit; per tactum, cum dixit: Palpate et videte.

Accelerata probatur, si non infirmitate vel periculo, sed sanitate et opportunitate se offerente fiat sicut in Christo, qui resurrexit ante incinerationem et putrefactionem.

Non iterata probatur, si post paenitentiam homo non recidivet in mortale.... sive in id ipsum, sicut et Christus semel mortuus tantum semel resurrexit.

II. Quantum ad secundum nota, quod quaerere debemus quae sursum sunt, scilicet Deum et divina, cum sinceritate benevolentiae; Sophoniae secundo: Quaerite Dominum, omnes mansueti terrae , qui iudicium eius estis operati.

Cum serenitate conscientiae; Sapientiae primo : In simplicitate cordis quaerite illum, quoniam invenitur ab his qui non tentant illum.

Cum longanimitate perseuerantiae; Psalmus : Quaerite Dominum et confirmamini, quaerite faciem eius semper.

III . Quantum ad tertium nota, quod sapere debemus quae sursum sunt, non quae super terram, per sublimitatem contemplationis contra concupiscentiam oculorum, pro qua dicit Apostolus primae ad Timotheum ultimo : Divitibus Auius saeculi praecipe non sublime sapere neque sperare in incerto divitiarum, sed in Deo vivo.

Per suavitatem devotionis contra concupiscentiam carnis, pro qua dicitur ad Romanos octavo : Qui secundum carnem sunt quae carnis sunt sapiunt, qui vero secundum spiritum sunt quae sunt spiritus sentiunt.

Per aviditatem repressi mus contra superbiam vitae, pro qua reprimenda dicit Apostolus ad Romanos undecimo : Noli altum sapere, sed time.