227

LUGDUNEN. Beatif icationis et Canonizat ionis Ven. Servi Dei Marcellini Iosephi Be-

nedicti Champagnat s a c e r d o t i s Mar is tae e t funda tor i s parvulorum f r a t r u m

Mariae.

Quos Christo Domino adhuc in terris degenti parentes of- ferebant, parvulos et infantes, ut eis benediceret, ipsi catholicae erga puerilem aetatem institutioni praelucebant, qua unica Chri- sti sponsa Ecclesia filios baptismi mysterio genitos indesinenter fovet atque auget. Quod si nulli unquam tempori defuerunt se- lecti a Deo viri ac mulieres egregiam pueris puellisque rite in- formandis operam impendentes, labente hoc saeculo istorum veluti acies extructa apparuit, quae una fere disciplina unoque spiritu ducta christianam civilemque iuventutis eruditionem curare non desinit. Hos inter singulari elogio dignus est Servus Dei M. Champagnat Fundator parvulorum Frat rum Mariae, qui, die 20 Maii anno 1789, in pago Rozet nuncupato, e paroecia vulgo dicta Marines, dioeceseos tunc Aniciensis dein Lugdu- nensis, ortum habuit, parentesque sortitus est non censu sed virtute divites. Postridie baptizato indita sunt nomina Marcel- linus, Iosephus, Benedictus, eiusque futurae sanctitatis haud obscura indicia Deus praemonstrasse fertur, immisso in cuna- bula infantis splendore. Matris amitaeque cura, religionis ac virtutum semina excepit puer atque coluit; et undecimum ae- tatis annum agens, ad sacram synaxim, eo quo decebat candore et fervore, prima vice accessit. Quum tertium lustrum iam com- plesset, ab agro, ubi parentibus adiutor erat, Deus illum accivit, qui divinae vocationi a sacerdotibus probatae statim obtempe- rans, avúnculo suo in Paroecia SSmi Salvatoris latinae linguae praeceptori se in discipulum dedit. Post integrum annum a stu- diis inceptis, adolescens obstacula spernens, parvum Semina- rium vulgo de Verrières ingressus est, ibique pietate ac mo- destia praestantissimus, ingenii segnitiem studio ac diligentia de- vicit. Emensus litterarum et philosophiae curriculum, et an. 1812, in maius Lugdunense Seminarium receptus, theologicis disci- plinis addiscendis incubuit, atque in ordinariis vacationibus ec- clesiastica munia explere apprime sategit. Ad ordines per gra- dus promotus, et die 22 Iulii anno 1816 sacerdotio insignitus,

EX S. CONGREGATIONE RITUUM