228 EX S. C. RITUUM

Marcellinus Deiparae Virgini, cuius percelebre sanctuarium de Fourvière nuncupatum, ut opem imploraret, una cum ferven- tioribus sociis adiverat, totum se devovit et consecravit. Die duodecima Augusti eodem anno, ad oppidum Lava Ila missus per plures annos Curionis Vicarii munere fungens, pastorali sollicitudine Paroeciae mores renovavit. Quum die quadam iu- venem graviter decumbentem et catholicae fidei ac legis pror- sus ignarum reperisset, consilium iam initum et probatum ab- solvit, Fratresque laicos ad christianam puerorum institutionem in parvam domum collegit. Anno 1824, ampliori domo ad locum vulgo U Hermitage extructa, ac dimisso vicariatu La valla, Dei Servus in nascenti religiosa familia parvulorum Frat rum Mariae, provehenda totus erat. Societatem Mariae a P. Ioanne Colin iam institutam, et die 24 Septembris anno 1836 ab Apostolica Sede approbatam, Marcellinus usque eo adamavit, ut eidem ab initio iam adscriptus, deinceps per religiosa vota se devinctum vo- luerit ; suamque societatem veluti illi geminam minoremque so- rorem respexerit. Hanc tamen a se fundatam specialibus legibus munivit, auxit, recteque gubernavit, novumque Superiorem Ge neralem, per Fratrum suffragia anno 1839 electum, consilio et opere adiuvit, sacrum ministerium in bonum fidelium insimul obeundum mire prosecutus. Postremum Dei Servi opus fuit erectio domus tyrocinii in castro de Vouban nuncupato. Nam paulo post laboribus ac infirmitate fractus ac lecto decumbere coactus, Ecclesiae sacramentis rite sancteque susceptis, monita et benedictionem, uti extrema amoris pignora, Fratribus prae- buit; ac tandem Angelo Tutelari se commendans atque Iesum et Mariam frequenter invocans, Sabbato ante Festum Penteco- stes, die 6 Iunii anno 1840, a terrenis aerumnis ad caelestia gaudia evolavit. Sanctimoniae fama, quam Marcellinus dum vi- tam ageret, sibi comparaverat, post eius obitum a clero et po- pulo ad parentalia et ad sepulcrum confluente confirmata, adeo in dies clarior diffusa est, ut super ea Processus Ordinarius in Ecclesiastica Curia Lugdunensi sit adornatus. Quo rite confecto et Sacrae Rituum Congregationi exhibito, ad humillimas preces Rmi P. Claudii Nicolet sacerdotis Maristae et Causae Postulatoris, Sanctissimus Dominus Noster Leo Papa XIII per Decreta diebus 28 Aprilis 1893, 29 Martii et 12 Decembris 1895 edita, non modo probavit Rescriptum Sacri Consilii super revisione scriptorum Servi Dei, sed etiam indulsit, ut dubium Introductionis Causae,