250 EX S. G. RITUUM

runt in dies florentiorem. Neque humana neque religiosa so- cietas unquam obliterare potest Virum non minus sanctitate quam beneficiis insignem Vincentium a Paulo, qui plurium ex his Institutis fuit plus minusve auctor ac legifer pater, quique omnium adstat in coelo patronus etiam ab Apostolica Sede re- nuntiatus. Ex arbore quam ipse plantavit, surculus desectus est cui Dominus benedixisse videtur ut crescat et multiplicetur. Agitur de Instituto Sororum a Caritate ac praecipue de ipsa matre ac fundatrice Serva Dei Ioanna Antida Thouret , cuius Causa penes Sacrorum Rituum Congregationem introducenda disceptata est. Burgundia in pago Sancey-le-long, dioecesis Bi- suntinae, ex piis parentibus ortum dedit Ioannae Antidae, ter- tiae ab ultimo e septem fratribus, quae eadem die 27 Novem- bris anno 1765 et in lucem edita et Christi lavacro regenerata est. Puella magis animo quam valetudine firma, ea quae ad vitam atque intellectum perficiendum conferunt, studiose ac so- brie didicit. Genitrice orbata matris familiae vices gerere co- acta est : quo tempore in discrimine posita ob ancillae pravita- tem, Deo iuvante, se integram servavit et virginitatem vovit. Pauperes atque egentes modo stipe et consilio sublevabat, modo fidei morumque praeceptis imbuebat, assignata etiam a Paro- cho puellis puerisque catechismi magistra. Hisce misericordiae operibus ad perfectioris vitae statum amplectendum se paula- tim disponebat. Vocationem religiosam vix animo sensit, illico eam aperuit suae commatri in sacro chrismate Mariae Sourdos et a confessario probatam etiam patri significavit. Hoc annuen- te, non absque difficultate, Ioanna die 1 Novembris anno 1778, aetatis suae vigesimo secundo, Lutetiam Parisiorum profecta est. Ibi in Instituto Vincentiano Filiarum a Caritate tyrocinium unius circiter anni laudabiliter explevit et ad habitum sacro ritu induendum admissa est. In nosocomiis Sancti Laurentii apud Lingonas et alibi periculosos homines simul de vitans at- que confundens, se ad fidem Deo servandam atque ad opem aegrotantibus ferendam unice intendebat. Quum Gallia in rerum conversione et perturbatione versaretur atque piae sodalitates ob temporum tristitiam disperderentur, famula Dei ne a sancto proposito descisceret, in Helvetiam confugit. Post aliquod tem- pus Vesontionem se recepit, ubi parva domo conducta, scho- lam gratuitam puellis erudiendis et pharmaceuticam aegrotis curandis instituit, quatuor adolescentulis sibi adscitis in soc ias