EX S. C. RITUUM 251

laboris et officii, et Vincentio a Paulo in patrem et magistrum sibi suisque proposito. Haec sunt prima fundamenta Instituti Sororum a Caritate cuius fama brevi tempore adeo percrebuit non minus apud Principes et Ecclesiae Pastores quam apud populos, ut plura Hospitia pauperum, senum, aegrotantium, puellarum atque infantium, ad multiplices hominum miserias sublevandas, eidem commissa fuerint tum in Gallia tum in Ita- lia ac deinceps in aliis, etiam remotis , regionibus. Rebus in Gallia compositis ac restituta Ecclesiae et Supremo Pastori li- bertate, Ioanna Antida Romam venit, suumque Institutum una cum regulis ad normam legum Filiarum Caritatis confectis at- que exaratis Apostolicae approbationi demisse subiecit." Per de- cretum Pii Papae VII fel. rec. voti compos facta, dum Neapoli in domo Regina coeli morabatur, post plurima adversa in qui- bus animi firmitatem constanter retinuit, laboribus ac viribus fracta atque apoplético morbo semel iterumque correpta, Eccle- siae Sacramentis rite munita, die 24 Augusti anno 1826, pie quievit in Domino. Eius exuviae cum magna populi frequentia ac pietate in Ecclesiam domui adnexam delatae, solemni funere expleto, penes sacellum Immaculatae Conceptioni B. M. V. sa- crum reconditae sunt. Interim fama sanctitatis quam Dei fa- mula, dum vitam agebat, acquisierat, post obitum in dies cla- rior et perseverans effulsit. Quare super eadem fama in eccle- siastica Curia Neapolitana Processu Informativo adornato et in Actis Sacrorum Rituum Congregationis exhibito riteque aperto, a Rmo Dno Nazareno Canonico Marzolini huiusce Causae Po- stulatore humiles enixaeque preces Sanctissimo Domino No- stro Leoni Papae X I I I porrectae sunt, ut Dubium de Causa introducenda Servae Dei Ioannae Antidae Thouret penes eam- dem Sacram Congregationem proponi ac discuti posset, praevia dispensatione a praescripto lapsu decennii et ab interventu et voto Consultorum. Editis hac super re decretis die 25 Maii, ver- tentis anni sacri, probatis Ven. Servae Dei scriptis hoc ipso anno, atque inspectis amplissimis litteris postulatoriis aliquorum Eminentissimorum S. R. E. Cardinalium ac plurium Reveren- dissimorum sacrorum Antistitum, instante praelaudato Causae Postulatore, nomine etiam omnium Sororum a Caritate quae sub patrocinio S. Vincentii a Paulo congregata e ipsam Ioannam Antidam matrem et fundatricem uno concentu consensuque appellant, ac filiali amore et devotione prosequuntur, Emus et