EX S. C. RITUUM 255

gloriae cupidini, sibique constituisse in via christianae perfectionis proficere per humilitatem, quam inflammatis verbis a Domino, intercessione adiecta Virginis Mariae, exposcebat Longa quoque series extat in Summario piarum exercitationum, seu potius certa vivendi methodus ad morem sanctorum concinnata, quam sibi domi praesertim servandam proposuerat , et a qua num- quam deflexit, in ecclesiasticam militiam semel cooptatus et Subdiaconus effectus, ab Archiepiscopo Lugdunensi Cardinali Fesch anno 1814, die qua salutis nostrae Auctorem in cunabulis Magi venerati sunt. Qui illam perlegerit, fateatur oportet talem nobis exhibere vitae rationem, quae et censori rigidissimo plane satisfecisset; at satis Dei Servulo non era t : namque anno inse- quenti, quo etiam Diaconatum suscepit ab Episcopo Gratiano- politano, illam reddidit austeriorem, novisque praescriptionibus ' auxit dum ad Presbyteratum se comparabat , exeunte scilicet Iulio mense anni 1816.

Eius interea animum subierat cogitatio societatis excitandae, cuius praecipuus finis esset Evangelii promulgatio et christiana puerorum institutio. Consilium hoc in maiori Seminario Lugdu- nensi inierat cum ferventioribus condiscipulis, quos inter pecu- liari memoria dignus Pater Colin, qui pium propositum prae ceteris strenue fovit, et novae Congregationis pr imus moderator fuit. Idem sociorum consilia una cum Marcellino communicavit Sacerdoti Cholleton, qui tunc temporis Seminarium illud rege- bat, quique ea probavit, et animos singulis addidit. Nec prae- termiserunt lectissimi alumni in opere tam arduo caeleste lumen et auxilium-impetrare, siquidem antequam illud aggrederentur « ils se rendirent tous à Fourvière pour déposer leur projet aux pieds de Marie et La prier de le bénir, s'il était selon la vo- lonté de son Divin Fils », atque propter eximiam pietatem, qua magnam Dei Matrem colebant, novam Societatem ab ea com- pella re decreverunt.

Ad sacerdotii dignitatem vix evectus Dei Servus, cito ma- teriem uberr imam concupito sacri ministerii exercitio invenit; namque ad oppidum Lavalla a legitima ecclesiastica auctoritate missus , ut adiutricem operam eius satis amplae silvestrisque paroeciae Rectori praeberet , totus fuit in Dei gloria qua prae- cipue movebatur provehenda, animarumque salute, cuius erat percupidus, procuranda. Utque potioribus praesidiis instructus huiusmodi munus auspicaretur, imprimis sibi auxilium ab alto