PARISIEN. 235

natura mitem ac timidam valet praesumptio, qua quis con- tendere vellet oratricis indolem non potuisse esse timidam, quia ipsa plura iam itinera cum patre peregerat. Nam re- spondet patronus, tralatitium in iure est, prèsumptionem ce- dere debere veri tat i ; nec minus tralatitium est illud quod nempe « Naturam expellas furca, tamen usque recurrit ». Quare si oratrix naturam sortita erat timidam, potuit quidem variis illis itineribus aliquid timiditatis fortasse remittere, sed audax atque impavida effici certe non valuit, eo vel magis quod ipsa septemdecim tantum annos nata tunc erat.

His positis, orator progreditur ad audiendas illas ipsas personas ad quas potissimum excutiendas S. Congregationis sententia dilata fuit, matrem nempe et fratrem viri oratri- cis, quorum testimonium advocatus maximi faciendum esse ait, quandoquidem agitur de testibus actrici infensis, qui non solum nihil contra afferre potuerunt, sed imo multa ex deductis per ipsam actricem aliosque testes, licet aegre, confirmare debuerunt.

Haec cum ita sint, cum nempe non modo plurimi iique spectatissimi testes, qui in prima inquisitione excussi sunt, sed etiam alii multi iterum iterumque ex officio, inscia parte, vocati ac praesertim hi duo postremi testes eminenter difi- dentes, nihil contra dicere potuerint, sed plane confirma ve- rint ea quae oratrix eiusque mater iureiurando affirmarunt, iuxta patronum, concludatur oportet iis tuto fidem adhiberi posse et debere.

Ulterius procedens advocatus, ad examen deducit testi- monium Carolae Allard et consequentem eiusdem epistolam, quam vinculi defensor appellat « insigne audaciae monumen- tum ». Scilicet enunciata testis Allard in suo iudiciali exa- mine dixerat : « j 'a i vu quelques lettres de Ferdinande durant les premières semaines du mariage, disant à ses pa- rents que son mari était très-gentil à son égard, elle sem- blait très-contente ». Sed, iuxta oratorem, haec verba et- iamsi veritati consona essent, per se non constituerent dif- ficultatem invincibilem contra suam thesim. Multis enim de