EX S. G. RITUUM 237

solari sodales iussit, ceteris exemplo praestantissima. Qua ex re cives universi ita colere Dei Famulam coeperunt, ut milites in eam incidentes salutare, plebs eius adventu viam facere, lo- quentem audire, consulentes ei obtemperare, exprobrantem ae- quo animo ferre consuevissent.

His rebus valde commoti sunt principes civitatis, a quibus Dei Ancilla rogatur de restituendis institutionibus, quae muni- ficentia maiorum iampridem conditae fuerunt, ut commodo, praeceptione salutique plebis foret consultum, quas tunc civilis commutatio funditus everterat. Sed vix illius solertia, ac publico sumptu eximia caritatis monumenta creverant atque conside- rant, cum urbis Praefectus eidem committendum censuit hospi- tium de Belleoeaux, quod una simul career, nosocomium, do- mus erat hospitalis, iuvenibus, senioribusque, aegrotantibus, amentibus, captivis unius sexus et alterius promiscue incolen- tibus. Statim ac tale hospitium ipsa regendum et gubernandum assumpsit consequuta est ut vitae perturbatio atque confusio, morum pravitas, et licentia, desperatio et dolores paulatim ex- cédèrent.

Iam quisque videt talia ac tanta nec seorsim a sociis con- ficere, neque has adlectas regulis destituere Dei Famulam po- tuisse. Quamobrem animo e negotiis paulisper revocato, in mo- nasterio Sororum a Visitatione, quod in propinqua urbe Dole desuetum extabat, secessu, ibique Filiarum a Caritate instituta sibi in memoriam reduxit et exaravit. Quae cum perfecisset, presbytero cuidam emendanda, dein archiepiscopo tradidit probanda.

Tunc Napoleon imperator, catholica religione in Gallia re- staurata, novas ac veteres congregationes sororum xenodochio intendentium una simul congregari Lutetiae iussit, ut rerum ordinem exponerent et commendarent. Generali conventui car- dinalis Fesch ac Laetitia, principis mater, praefuere, qui Heroi- dis nostrae argumentis suffragati sunt, eiusque sodalitati, cui nomen imposuere Sorores a Caritate Vesontionis, munifice opitulantur publicis impensis. Recens inde sodalitas tribus annis post, latius per finítimas dioeceses disseminata ita multiplicatur ut sororum fama Alpes transierit et ad aures Ioachimi Murat pervenerit, qui eas Neapolim vocavit. Regis pollicitationi ad nutum archiepiscopi voluntatemque Laetitiae, sumptus et com- meatus suppedi tant , libentissime Dei Famula assentitur, susce-