240 Acta Apostolicae Sedis - Commentarium Officiale

f.

oeconomia salutis, maxime in Christo, qui a Patre in mundum missus

est et qui cum Patre mittit in Populum Dei Spiritum vivificantem. Sed

hac Revelatione credentibus aliqua cognitio data est etiam vitae intimae

Dei, in qua (( Pater generans, Filius nascens et Spiritus Sanctus proce-

dens » sunt (( consubstantiales et coaequales, coomnipotentes et coae-

terni » . 1 7

6. Mysteria Incarnationis et Trinitatis fideliter servanda et illu-

stranda. - Ea quae in allatis Conciliorum documentis exprimuntur de

uno eodemque Christo Filio Dei, genito ante saecula secundum naturam

divinam et in tempore secundum naturam humanam, necnon de aeternis

personis Sanctissimae Trinitatis ad immutabilem fidei catholicae veri-

tatem pertinent.

Hoc sane non impedit quominus Ecclesia sui officii esse existimet

nisus non intermittere ut, spectatis novis quoque modis cogitandi homi-

num, supradicta mysteria etiam atque etiam inspiciantur contempla-

tione fidei et indagatione theologorum aptaque ratione amplius expli-

centur. Sed dum necessarium investigandi ofiicium usurpatur, diligen-

ter cavendum est ne arcana illa mysteria unquam ab illo sensu detor-

queantur quem « intellexit et intelligit Ecclesia » . 1 8

Horum mysteriorum incorrupta veritas ad totam Revelationem Chri-

sti maxime interest, cum ad huius centrum ita pertineant, ut, si labe-

factentur, reliquum Revelationis thesaurum etiam adulteretur. Eorum-

dem mysteriorum veritas ad rationem christianam agendi non minus

interest, tum quia nihil tantopere manifestat Dei caritatem, cui tota

vita christiana respondeat oportet, quam Incarnatio Filii Dei, Redemp-

toris nostri,1 9 tum quoniam « homines per Christum, Verbum carnem

factum, in Spiritu Sancto accessum habent ad Patrem et divinae naturae

consortes efficiuntur » . 2 0

7. Circa veritates ergo quas praesens Declaratio tuetur, Ecclesiae

Pastorum est unitatem in profitenda fide requirere a populo suo ac spe-

ciatim ab eis qui ex mandato a Magisterio accepto scientias sacras

17 Cfr. ibid. 18 Conc. Vat. I: Const. dogm. Dei Filius, c. 4, can. 3; Conc. Oec. Decr., p. 787;

Dz.-Sch. 3043. Cfr. Ioannes XXIII, Alloc, in S. Conc. Vat. II inauguratione, A.A.S. 54 (1962) p. 792, et Conc. Vat. II: Const. past. de Eccl. in mundo huius temporis Gau- dium et spes, n. 62. Cfr. etiam Paulus Pp. VI, Sollemnis professio fidei, n. 4, A.A.S. 60 (1968), 434.

1 9 Cfr. 1 Io. 4, 9 s. 20 Cfr. Conc. Vat. II: Const. dogm. de Divina Revelatione Dei Verbum, n. 2; cfr.

Eph. 2, 18; 2 Petr. 1, 4.