2 4 0 EX S. C. RITUUM

stabat, atque a Deipara praesertim, quam sibi operibusque suis patronam et auspicem elegerat, fidenter exposcebat ut operarios mitteret in messem suam. Favit votis Servuli sui superum Re- gina, et quatuor iuvenes prioribus iungendos misit, quos ille, paucis elapsis mensibus, propriis et uniformibus vestibus indu- tos voluit, iisque praeficiendum statuit, quem ipsi per secreta suffragia in moderatorem eligerent. Nequibat tamen Vir Dei cum amantissimis alumnis commorari, ceu in omnium votis aderat, parochialis ministerii officiis distentus; hinc curabat ad eos ven~ tifcare, et ad solidiorem pietatem certamque docendi methodum sedulo informare.

Auctus illorum numerus hominum dicteria atque censuras excitavit, qui temeritatis insimulabant fundatorem, inanisque glo- riae cupidine elatum dicebant. Improbabatur regularum schema, quas nascenti familiae tradiderat; vitae genus et vestium forma acriter quoque improbaban tur. Verum Marcellinus, sicut Deo afflante gravibusque viris suadentibus id opus prudentissime susceperat, sic pari constantia ac humilitate convicia pertulit et obtrectationes, in inceptis progredi summopere contendens. Hinc probe intelligens, rem universam pendere a recta a lumnorum informatione, qui susceptum opus perficere quodammodo de- bebant, eis totum animum adiecit, ut praeceptores pios idoneus- que ad munus obeundum efficeret. Illos mittere inceperat diebus festis ad viciniores pagos, ut christianae doctrinae praecepta ru- ricolarum filiis explanarent, eosque spiritualibus exercitationibus excultos quotidianis ferme curis reddere adnitebatur : attamen iis in adiunctis , dum videlicet omnia creanda erant et solida aedificio substruenda fundamenta, non satis adhuc consultum esse proposito assequendo animadverti t , et communem cum suis iuvenibus ineundam esse vitam censuit, ut eorum mores animique proclivitates perspectas habere posset ac opportune moderari, suumque in eos spiritum transfunderet. Quapropter « il quitta le presbytère et vint demeurer avec ses pauvres di- sciples, leur servant, tour à tour, de guide et de modèle , par- tageant avec eux leur modeste repas », perperam obnitente Parocho.

Regebat Dei Famulus s u o s , parentis potius more quam moderatoris , et exemplo potius quam verbis , nihil ab iis exi- gens quod ipse antea non praestitisset. Omnem equidem dabat ope ram, ut uniuscuiusque animum illis disciplinis imbueret,