244 ALBIEN.

Insuper orator altius assurgens, ex principiis iuris pro- bare contendit contra iuratum viri testimonium praevalere mulieris confessionem, cum et ipsa per aspectum corporis se virginem esse probaverit. Hoc defensor ex ipso iure de- cretalium repetit, cum in Cap. IV De probationibus haec leguntur: « Proposuisti nobis, dilecte fili praeposite, quod causa matrimonii, quae inter dilectum filium nostrum O. de Casa nova et S. filiam O. de Pisco mulierem vertitur, tibi fuit de mandato apostolico delegata. Quumque partes essent in tua praesentia constitutae, mulier proposuit, se nec a viro cognitam, nec potuisse cognosci quod tam pro- prio iuramento quam testimonio septem mulierum probavit, quae per aspectum corporis eam esse virginem asseverant; viro autem per iuramentum suum contrarium asserente, vos in negotio procedere minime voluistis, donec de hoc nostrum consilium habueritis. Videtur igitur nobis, quod'iuramento puellae et testimonio illarum septem mulierum, quae ipsam per experientiam virginem asseverant, fides est potius ad- hibenda ».

Huius rei hanc rationem affert Phiring: « Quia iura- mentum unius non est integra seu plena probatio.... ideo- que si ex adverso, ut in causa huius capitis, pro muliere afferatur integra et plena probatio, ea debet praevalere, seu praeferri probationi minus integrae seu semiplenae » (Ius- can. ad idem caput § 6). Idem docet Reiffenstuel : « Pro- batio per aspectum corporis praefertur probationi per at te- stationem iuratam in contrarium » (Ius can. univ. ibid. % IV, n. 86). Et , omissis aliis, Benedictus XIV, idem af- firmat : « Si matrimonium ob impotentiam accusatur, et vir contendat a se cognitam uxorem suam, et mulier neget, praestatur fides viro firmanti et iuranti , et secundum eum est pronuntiandum.... At, si mulier virum arguât menda- cii et periurii, et se virginem per experimentum iuratarum matronarum probare velit, inspectio est decernenda, et cre- ditur mulieri » (Quaest, can. 323).

Insuper defensor hanc doctrinam ex pluribus decisioni-