QUAESTIO I.

Quid sit Sacramentum Confirmationis? De materia et forma. De suscipiente et ministro, et de conditionibus requisitis in conferente et suscipiente hoc Sacramentum.

Alens. 4. p. q. 24. m. 2. D. Bonav. luc art. 1. q. 1. Rich. art. 1. g. i. 2. D. Thom. q. 1. art. 1. et 3. p. q. 65. art 1. et 4. et q. 72. art. 1. et 4. Suarez 3. p. tom. 3. d. 32. late Coccius in thesauro tom. 2. lib. 5. art. 20. Bellarm. lio. 2. de Sacram. Gonfirm. et an Episcopus tantum sit minister. Viae Alens. q. 28. m. 1. art. 3. D. Thom. 3. p. q. 72. art. ii. D. Bonav. hic art. 1. q. 3. Rich. art. 2. q. 1. Suarez 3. p. tom. 3. d. 36.

Circa istam (a) distinctionem possent multa quaeri proportionaliter illis, quae quaesita sunt de Baptismo. Sed praemitto quamdam rationem Sacramenti hujus, ex quo patet solutio multarum quaestionum. Et supponendo, quod relationis, quae est formale in hoc Sacramento, fundamentum totale sit unctio determinata cum conditionibus multis aliis requisitis, potest assignari ratio talis: Con firmatio, seu Sacramentum Confirmationis est unctio (b) hominis viatoris aliqualiter consentientis, vel libero arbitrio nunquam usi, facta in fronte in figura (c) Crucis cum chrismate (d) sanctificato (e), et hoc a ministro idoneo (f), simul cum (g) intentione debita inungente, et verba certa proferente, significans efficaciter ex institutione divina unctionem animoe per gratiam roborarem, ad confitendum cum constantia fidem Christi.