256 APPENDIX. II.

f sequitur)

perspicua est pro iis qui bona fide eam perscrutari volunt. Attamen sunt quidam presbyteri, qui contendunt licitum esse percipere actua- rium quinque pro centum, solius vi legis Principis, absque alio titulo vel damni emergentis vel lucri cessantis: quia, inquiunt, lex Principis est titulus legitimus, cum transferat dominium in praescriptione: et sic prorsus annihilant legem divinam et legem ecclesiasticam, quae usuras prohibet. Cum haec ita se habeant, Orator infrascriptus, existimans nullo pacto esse licitum recedere a doctrina Benedicti XIV., denegat abso- lutionem sacramentalem presbyteris qui contendunt legem Principis esse titulum sufficientem percipiendi aliquid ultra sortem absque titulo vel lucri cessantis vel damni emergentis. Quare infrascriptus Orator humi- liter supplicat, ut sequentia dubia solvantur : - I. Utrum possit in conscientia denegare absolutionem presbyteris praefatis. - Ii. Utrum debeat.

« Lugduni 25 Maii 1830. - Denavit Professor. Sacra Poenitentiaria, diligenter ac mature perpensis dubiis propo-

sitis, respondendum censuit: - « Presbyteros de quibus agitur, non esse inquietandos quousque Sancta Sedes definitivam decisionem emiserit, cui parati sint se subiicere: adeoque nihil obstare eorum absolutioni in Sacramento Poenitentiae. » - Datum Romae, in Poenitentiaria, die 16 Septembris 1820.

« E. Card. De Gregorio Maior Poenit. - F. Fricca Sacrae Poenil. Secretar. »

V. - Sacra Poenitentiaria Episcopo Veronensi communicat re- sponsa alias data a Suprema Congregatione Sancti Officii. - Sacra Poenitentiaria, perlectis expositis a venerabili in Christo Patre Episcopo Veronensi in supplici libello die 1. mensis nuper elapsi, abstinendum sibi duxit a resolutione quatuor dubiorum quae in eo proponebantur, sed oratori comunicat responsa data a suprema Congregatione sancti Officii ad alia quaedam eamdem materiam respicientia. Haec autem sunt huiusmodi : i. Utrum confessarius possit in conscientia denegare abso- lutionem presbyteris, qui contendunt legem principis esse titulum suf- ficientem percipiendi aliquid ultra sortem absque alio titulo vel lucri cessantis vel damni emergentis. - Ii. Utrum debeat.

Respondetur: Ad utrumque, non esse inquietandos, quousquelSancta Sedes definitivam decisionem emiserit, cui parati sint se subiicere, adeoque nihil obstare eorum absolutioni in Sacramento Poenitentiae.