APPENDIX ri . 257

Acta, Tom. XXIX. fase. CCCXLI. 17

Alia dubia : - « I. An confessarius ille possit absolvi, qui licet Benedicti XIV et aliorum summorum Pontificum de usura definitiones noverit, docet, ex mutuo divitibus aut negotiatoribus praestito percipi posse, praeter sortem , lucrum quinque pro centum etiam ab iis qui nullum omnino alium, praeter quam legem civilem, titulum habent mutuo extrinsecum. - ii. An peccet confessarius, qui dimittit in bona fide poenitentem, qui ex mutuo exigit lucrum lege civili statutum, abs- que extrinseco lucri cessantis aut damni emergentis, aut periculi ex- traordinarii titulo ».

« Respondetur : Ad I. Confessarium, de quo in dubio, non esse inquielandum quousque sancta Sedes definitivam decisionem emiserit, cui paratus sit se subiicere; adeoque nihil obstare eius absolutioni in sacramento Poenitentiae. - Ad II. Provisum in praecedenti, dummodo poenitentes parati sint stare mandatis sanctae Sedis ».

Alia dubia :« Vir quidam persuasus erat, Encyclicam Benedicti XIV non inhibere lucrum ex collatione pecuniae perceptum iuxta disposita a lege civili. Eius heredes quaerunt: /. An Encyclicam recte acceperit. H. Etiam supposito quod male acceperit, persuasus tamen recte acce- pisse, an heredes ab omni reparatione se exemptos existimare valeant. Respondetur: Ad 1. Acquiescant, dummodo parati sint stare mandatis sanctae Sedis. - Ad II. Provisum in primo ».

Alia dubia: - « I. An possit eorum confessariorum agendi ratio probari, qui dum tenent uti probabiliorem opinionem contrariam lucro ex pecunia negotiatoribus mutuo data, poenitentes eo modo lucrum percipientes ut ditescant, absolvunt, quando nempe isti, obiicientes sen- tentiam lucro faventem non fuisse damnatam a sancta Sede, promittunt tamen obedire iudicio summi Pontificis, si intercedat; et similiter agunt, quando poenitentes, lucrum percipientes in bona fide, de eo non confitentur, licet aliunde noverint ipsos percipere lucrum ut supra, nulla ea de re facta interrogatione quando timent ne poenitentes, ad- moniti restituere aut a tali lucro abstinere, recusent. - II. Utrum Epi- scopus possit hortari rigidiores confessarios, consulendi causa ipsum ade- untes, ut priorum confessariorum agendi rationem sequantur, donec san- cta Sedes expressum ea de quaestione iudicium ferat ».

Respondetur : Ad I. Non esse inquietandos. - Ad II. Provisum in primo.

Datum Romae, in S. Poenitentiaria, die 14 Augusti 1831. - V. D. Solimei s. Poenitentiar. Secretarius.

VI. - Congregationis Generalis Sancti Officii a Gregorio XVI. ap- probatae circa quaesita Capituli Collegiatae Locami- - « Quesiti del