COMMENTARIUS.

In praesenti distinctione Magister aggreditur tractatum de venerabili Sacramento Eucharistiae, quem deinceps producit usque ad distinctionem decimam quartam exclusive: quem ordinem sequitur Doctor, et reliqui Sententiarii. Supra ostendimus ex Dionysio et aliis Patribus, hunc ordinem servatum esse in ministerio Sacramentorum, ut primum Baptismus daretur in regenerationem: secundo, daretur Confirmatio in robur et consummationem Baptismi; tertio loco daretur Eucharistia qua nutrimur, et in bono consummatur; et haec tria Sacramenta in primitiva Ecclesia simul dabantur, servato ordine praemisso Ratio ergo postulat, ut sequendo ordinem quasi generationis (secundum quam procedit natura et scientia, tanquam de potentia ad actum) priori tractatui de Baptismo et Confirmatione succederet tractatus de Eucharistia ; quem stylum reliqui etiam Theologi observant, ut Alexander 3. part. quoest. 10. Divus Thomas 3. part. quaest. 13. usque ad 82. et reliqui ejus discipuli. De hoc Sacramento agunt Patres in Joan. 6. et 13. Matth. 26. Marci 14. Luc. 22. 1. ad Corinth. 1 1. ubi communiter interpretes. Trident. sess. 13. ei

sess. 21. et 22. et plera antiquiora Concilia contra Berengarium, contra quem etiam propriis tractatibus disseruerunt Paschasius, Algerus, Lanfrancus ; de eodem agunt Canonistae de consec. dist. 2. et cap. firmiter, de summa Trinitate et fide Catholica, cap. Cum Martha, et reliquis, de Celebratione Missarum. Sed frequentissime moderni scriptores, et luculenter contra hujus temporis Novatores, ut Castro contra haereses, verbo Eucharistia, Lyndanus lib. 4. panopliae, Driedo lib. 4. de dogmatibus, cap. 5. part. 2. et 5. Waldens. tom. 2. de Sacramentis, qui secutus ordinem dignitatis ab hoc Sacramento orditur tractatum, Bellarm. in 2. tom. de Sacramentis, Hosius in confessione, Arboreus lib. 5. Theosophice, Alanus et Turrianus et alii sine numero, qui veritatem Catholicam latissime propugnant ; videatur prae reliquis Coccius in Thesauro tom 2. lib. 6. ubi auctoritates Patrum, Conciliorum et Scholasticorum Antiquiorutn congerit per omnia saecula, in probationem hujus veritatis.

Praesentem distinctionem transigit Doctor tribus quaestionibus. Prima, utrum Eucharistia sit Sacramentum novae legis ? Secunda, de forma consecrationis corporis? Tertia vero de quadam dispositione requisita ex parte sumentis corpus Domini, quale est jejunium.