PARISIEN. 281

/¿cultas magna apud me erat, quod ageretur de vidua, quae cum viro iam dormierat, ideoque non agnoscebam quomodo convinci posset negativa consummationis matrimonii, licet enim id non sit omnino impossibilis iustificationis, attamen videtur nimium difficilis adeo ut sit difficultas, quae quo- dammodo fraternizet cum impossibilitate ».

Hinc quaecumque evanescit de consummatione praesum- ptio, eo quod cohabitaverint et condormierint, ut recte monet Ursaya Discept, t. 2, p. 1, discept. III, n. 45: « Condor- mitio coniugum non facit ut matrimonium amittat quan- titatem et denominationem rati quando cum effectu consum- matum non fuit ». Corrad. in Prax. Disp. I. V III, c. 7, n. 32.

Accedit septimae manus testium depositio: ii enim omnes uno ore testantur de honestate et veracitate praesertim ora- tricis: cuius etiam archiepiscopalis Curia sic testimonium reddit datis uteris mense maio an. 1893: « Nihil quidem alicuius momenti circa causam huiusmodi adnotandum venit, nisi quod honestissima et probatae religionis sit Oratrix, quae etiam testes produxit omnino commendabiles ».

Iamvero coniugum confessio testimonio septimae manus suffulta in eiusmodi controversiis certitudinem parit; Sánchez De matr. lib. 8, Disp. 9. Caelest. V. De Frigidis et Ma- le fic. Idem repetunt DD. e. g. Consc. De separat, tori con- iug. I. 3, c. 2, n. 134: « Aliquando si una simul con- iuges cohabitaverint, negativa consummationis, quando etiam per viam, iuris petitur separatio, probatur eorumdem con- iugum iuramento cum septima propinquorum manu pariter iuramento coniuncta ad normam text. in can. Requisisti 2, Ca. 33, q. 1 ». Et n. 136 subdit: « Accedente praeterea in hac materia iuramento septimae manus consanguineorum aut vicino rum ex parte utriusque coniugis; qui si affirment firmiter credere coniugum confessionem esse veridicam, eos- que sic delicatam habere conscientiam ut sint incapaces pro- ferre mendacium ac periurium tamquam purgatores dicti alieni suspicionem collusionis remorent ac falsitatis ».