282. De sanctis Innocentibus.
Ad Laudes.

1. In hac die solemnitas
Agatur omni populo
In cantico et jubilo
In laude patris omnium.

2. Qua innocentes parvuli
Herodes jussit perimi,
In arce regis superi
Vitae coronam capiunt.

3. Quos Dulia culpa polluit
Nec operis nec faminis,
Dirus orbavit gladius
Imperio nequissimi.

4. Infauste rex et impie.
Christum petens occidere,
Regni metu, quod possides,
Cur saevis in innoxios?

5. Te digna petit ultio,
Nam mox necasti proprios
Natos furoris stimulo,
Qui alios occideras.

6. Gloria tibi, Domine,
Qui natus es de virgine,
Cum patre et sancto spiritu
In sempiterna saecula.