Dicit ergo : " Hic, " id est, in consideratione aeternorum. Vel, " Hic, " id est, in praesenti vita, " est, " id est, probatur, " patientia Sanctorum, " necessaria, scilicet, in malis sustinendis. Glossa, ne veniant ad aeternam paenam : " qui custodiunt, " opere adimplendo, " mandata Dei, " scilicet in operandis, " et fidem Jesu, " scilicet, in credendis.

" Et audivi vocem de caelo, dicentem mihi: Scribe : Beati mortui qui in Domino moriuntur. "

Supra dictum est de praeconibus revo- cantibus a parte draconis, hic ponitur clamor aliorum vocantium ad partem Agni.

Et dicuntur duo. Primo, dicit se audisse vocem : secundo, manifestat quid illa vox dixerit, ibi, " Scribe : Beati mortui. "