292 MATRITEN.

et finis quem sibi illa praestituerit, in contrahendo matri- monio, mirum non videtur oratori quod viri preces, blan- ditiae, amicorumque iterata consilia Dolorosam haud value- rint a proposito removere.

Expectavit, narrat Patronus, Casimirus dies, menses et annos integros ; nihil intentatum reliquit ut Dolorosam ad bonam frugem reduceret, ut initum cum ea matrimonium tandem aliquando perficeret. Expectavit patiens, in morbum etiam incidens, desideria coercens : inlatam sibi iniuriam plus aequo toleravit ne dilectam mulierem, quam in suam uxorem elegerat, perderet omnino. Sed di lectioni, pietati, patientiae finem tandem imposuit mulieris pertinacia, eiusque agendi ratio, quae nedum privant Casimirum P. G. iure suo, sed eius famam, decorem quam maxime laedunt. Etenim fir- mum in ea hodieque perdurat propositum nunquam se con- iungendi cum Casimiro ceu ipsamet dixit coram Iudicibus matritensibus.

Firmus in ea, prosequitur Advocatus, hodieque manet perversus instinctus alia potius illicita et nefanda appetendi quo concupiscentiae satisfiat, quam debita viro suo obsequia praestandi. Firmus in ea hodieque manet finis unicus, quem sibi proposuerat in matrimonio contrahendo, utendi scilicet abutendique nomine et divitiis Casimiri, quo melius genio suo ac pravis moribus indulgeret: id quod ex concordi at- testatione apprime constat. Dilectioni, pietati, patientiae Casimiri hucusque adhibitis erga Dolorosam, finem tandem imposuere criminales Inquisitiones, quae hodie instituuntur a Magistratibus matritensibus in mulierem, quaeque illu- stre, honoratum atque integrum Casimiri nomen infamiae nota etiam inurere certe videntur.

Matrimonium fuisse haud consummatum inter Casimirum et Dolorosam praeterquamquod, iuxta Advocatum, usque ad evidentiam liqueat ex dictis eorumdem coniugum, ex una- nimi consensione testium, qui in iudicium sunt vocati, vi- ginti quatuor numero, certum indubiumque fit ex attesta- tione iurata trium Peritorum, qui ex Iudicum Matritensium