MATRITEN. 293

mandato Dolorosam accuratissime, iuxta medicinae et chi- rurgiae placita et criteria inspexerunt die 4 Decembris elapsi anni 1895.

Secundam quaestionem quod spectat, obiter Orator tan- tummodo notat, ex Doctorum attestationibus, ac praesertim ex illa Antecessoris Gabini Samaniego Sacristano, ex officio deputati a Iudicibus matritensibus ad inspiciendam mulie- rem, rite recteque argui posse perversum mulieris ipsius instinctum, quique causa praecipua fuit cur matrimonii de- bitum Casimiro praestare constanter Dolorosa renuit. Unde testium omnium dicta, quae de pravis mulieris moribus ser- monem habent, confirmationem accipiunt etiam ex Perito- rum iudicio.

Constat itaque, concludit Patronus, de primo extremo ad impetrandam pro Casimiro dispensationem a matrimonio rato et non consummato. Item, ait, constare de causis rationa- bilibus et gravibus quae dispensationem imploratam sua- deant. Adest praeprimis mulieris pertinacia, ad nunquam se coniungendam in posterum etiam cum viro suo. Qui imo interrogata Dolorosa a Iudicibus matritensibus, utrum ipsa contradiceret matrimonii resolutioni, respondit : sese oppo- sitionem non facere, quinimo id apprime desiderare. Qua ex mulieris pertinacia, Casimirus coactus videretur usque ad vitae suae exitum, vel Dolorosae, ad continentiam, quam unquam professus est, et idcirco matrimonium iniit. Coa- ctus videretur ex mulieris pertinacia toto suo vitae tempore vel Dolorosae matrimonii quod contraxit fines, quales sunt certe procreatio prolis, remedium concupiscentiae, numquam assequi : idque cum animae suae corporisque periculo et de- trimento.

Adest praeterea, pergit Advocatus, ut iusta et rationa- bilis causa, quae matrimonii rati resolutionem suadeat, Do- lorosae vivendi agendique ratio, quae honestam mulierem, honestam uxorem minime decet, quamque certe aequo animo ferre vir, moribus egregius, pietate et dignitate insignis, haud unquam poterit ; causaque esset proinde semper et con-