294 MATRITEN.

tinue iurgiorum, iniuriarum et scandali inter virum et uxo- rem. Cuiusque sententiae sunt quotquot sunt in tabulis testes.

Sed iam memoratis causis, urget demum Advocatus, nova accedit maximi momenti et gravitatis, quae desumitur ex superioribus testium dictis, nempe ex Inquisitionibus criminalibus, quae nunc institutae sunt Matriti adversus Dolorosam, quaeque proximis diebus disquirentur coram Ma- gistratibus , et cum illius fraudes plene constent, certe cri- minis rea erit iudicata atque in carcerem coniecta. Cui Ad- vocati voto concinit Ordinarii Suffragium.

A N I M A D V E R S I O N E S D E F E N S O R I S S . V I N C U L I . Ex adverso Ma- trimonii Defensori fere incredibile videtur, virum in lega- libus disciplinis apprime versatum, numquam cogitasse tam diuturno temporis intervallo inconsummatum matrimonium esse relaxationi obnoxium, maxime quia cunctatio illa actio- nis adversus matrimonium intentandae e diametro pugnet cum praesenti festinatione, qua controversiam dirimi per- tentat,

Quod dubium magis urget Defensor, qui asserit, iudicia- lem inquisitionem nullitatis vitio tabescere. Profecto Bene- dictus XIV in celebri constit. Dei miseratione, nedum di- stricte praecipit ut causis matrimonialibus intersit matri- monii defensor ex officio, verum etiam cavet : « Quaecum- que, defensore matrimonii non legitime citato aut intimato, in iudicio peracta fuerint, nulla, irrita, cassa declaramus, ac pro nullis, cassis ac irritis haberi volumus, perinde ac si citata et intimata non est ea pars, cuius citari intererat, et quam iuxta legem et canonum praescripta ad legitimam iudicii validitatem citari aut intimari omnino necessarium erat ».

Iam vero curia matritensis, acceptis apostolicis uteris, in quibus commissum est Episcopo ut conficeret processum super asserta non consummatione matrimonii et causis dis- pensationis eiusdem, servata forma Constitutionis Benedi- cti XIV Dei miseratione et Instructionis S. C. anni 1840,