THEANEN. 295

nem, qua indiscriminatim participes fiant fallentiarum non solum qui adsunt, sed et ii qui absunt, id tantummodo in eo casu procedit, uti ex ipsa citata Ianuen. Servitii Chori 8 Augusti 1863 et plurimis aliis patet, quando nimirum fallentiae non secus ac distributiones ordinariae tribuuntur iis qui absunt sine ulla legitima causa.

Verum, aiunt Capitulares, iuri communi derogari potest vel statuto particulari, vel consuetudine, vel voluntate dan- tium. Hinc contendunt in themate, Poenitentiarium a distri- butionibus extraordinariis exclusum haberi consuetudine et voluntate dantium.

Revera quoad absentes ex infirmitate, vel ex indulto iubilationis, pluries S. C. C. statuit, posse per indicatos modos iuri communi ultro derogari. Aquipendien. Indulti, 18 Mart. 1719; Reutin., lubilat. 28 August. 1870; Ro- man., Dubia Indult. 6 Maii 1820, § Indultas. At relate ad supradicta poenitentiarii iura, abstrahendo a statuto pe- culiari, de quo in casu nostro non movetur quaestio, nulli- bi inveniri S. C. C. admisisse, ex consuetudine particulari posse iuri communi in hac re derogari. Et merito quidem. Nam in primis haec consuetudo esset contra Tridentinam legem introducta, imo contra eam legem, quae in publicum fidelium bonum decreta est. Ideo enim statutum est Poeni- tentiarium in sacramentali ministerio occupatum haberi de- bere ut praesentem in choro, et distributiones lucrari, ne temporalis lucri sollicitudine confessionum tribunal deserat eum damno spirituali vel scandalo et murmurationibus fi- delium ad cathedralem ecclesiam accurrentium. Quo stante consuetudo, si daretur, corruptela legis, magis quam lex moribus introducta censenda foret, et hic usus, si esset re- ceptus, extirpandus forte magis quam tollerandus videretur.

Imo, quamvis Poenitentiarius uti possit, vel non, pro lubito et circumstantiis, privilegio sibi concesso, huic tamen renuntiare, eoque absolute se exuere minime potest. Nam cum illud ius non tam in gratiam personae, quam in favo- rem officii pro bono publico fuerit introductum, eidem nun-