IN CAPUT XV APOCALYPSIS

ENARRATIO.

" Et, vidi aliud signum in caelo magnum et mirabile : Angelos septem, habentes plagas septem novissimas, quoniam in illis consummata est ira Dei. "

Cum supra actum sit de quatuor visionibus, hic agitur de quinta. Et hoc, sicut dicit Beda, per septem plagas novissimas terram punientes : et durat ab hoc capitulo usque ad capitulum xviii.

Et dividitur haec pars in tres, et continet tria capitula. In prima, agitur de Praedicatoribus qui damnationem reproborum nuntiaturi sunt. In secunda, manifestatur damnatio reproborum per praedicationem eorum, infra, XVI, 1 : " Et audivi vocem magnam. " In tertia, ostenditur causa damnationis eorum, infra, xvII 1 : a Et venit unus de septem Angelis.

In hoc autem capitulo determinatur de Praedicatoribus qui tempore Antichristi damnationem reproborum nuntiabunt.

Et dividitur hoc capitulum in quatuor partes. In prima, ponitur visio Praedicatorum habentium potestatem plagandi. In secunda, ostenditur causa liberans ab istis plagis, ibi, v. 2 : Et vidi tamquam mare. " Tertio, ostenditur qui liberabuntur ab istis plagis, ibidem, " Et eos qui vicerunt. " Quarto, qui plagari digni sunt, ibi, v. 5 : " Et post haec vidi. "