296 MATRITEN.

alium ad inspectionem agendam locum accommodatiorem iudicarunt, quam domum Petri Calaberin y Oalderin, me- dici a Dolorosa electi, advertit Orator.

Qui ait, omnibus notum esse, feminas plus semel, re- mediis quibusdam ante peritorum explorationem adhibitis, virginitatem simulare. Ad rem Sánchez de matrim, lib. 7, disp. 108, n. 8, « saepe inquit, oculi et manus (exploran- tium) falluntur : eo vel maxime quod feminae multis frau- dibus utantur, quibus virgines apparent » ; item Zacchias quaest, medie legal, lib. 3, tit. 2, quaest. 6, n. 1.

Eapropter urget Orator, medici cognitores ne fallantur uti solent remediis, inter quae balneum praesertim tepentis aquae. Ita Sánchez De matrim, lib, 7, disput. 113, n. 11: (ibi) « Hinc deducitur sanum consilium esse, ut iudex dis- stricte praecipiat matronis, ut antequam feminam inspi- ciant, quo de eius virginitate deponant, faciant, ipsis prae- sentibus, eam in balneo aquae competenter calidae lavari, et tanto tempore moram in eo trahere, quantum necessa- rium fuerit, ut si forte glutino apposito verenda mulieris compressa sint atque coarctata, ut virgo appareat, id lique- fieri possit. Quia in valore matrimonii investigando quae- cumque probationes possibiles adhibendae sunt, et potius debent esse superfluae quam diminutae, ut probavi disput. 107 n. 1 ».

Omnia vero adiuncta praesenti in inquisitione eo dili- gentius rimanda erant, iuxta Oratorem, quia praeterquam quod res est de femina vaferrima omnium, exploratio con- tigit tredecim ab bymenaeo praeterlapsis annis : et comper- tissimum est lapsu temporis facile violatae virginitatis ar- gumenta evanescere, prouti testatur Zacchias.

Nihilo secius, videtur Defensori ex specimine in Dolo- rosae corpore, etsi negligentissime facto, haud levia erum- pere tum fraudis a Dolorosa ad simulandam virginitatem adhibitae, tum amissae virginitatis argumenta uti colligi pot- est ex relatione peritorum, in casu adductorum.

Quocirca concludit Defensor, suspicandam esse simula-