302 IOSEPHI PENNACCHI

Christi gregem, toti in eo constanter fuerunt, ut pretiosissimum fidei depositum integrum inviolatumque servarent, et christia- nas toto orbe gentes salutaris doctrinae pabulo enutrirent. Hinc profecto vehemens ac provida ab ipsis adhibita perpetuo cura, ut quemadmodum bonum semen a lolio, ita et sani optimique libri ab adulterinis et apocryphis et perniciosis secernerentur; ne christiani homines, incauto vel temerario horum usu, inte- gritatis fidei morumque detrimentum caperent. Quo in genere, varia quidem pro varietate temporum tum Pontifices ipsi, tum Concilia nunquam neglexerunt apta malis adhibere remedia.

Quum vero, comperta saeculo decimo quinto nova arte ty- pographica, magis in dies crevisse! librorum copia, praeterea- que malarum haeresum pestis late grassaretur, necessarium omnino visum est, qua praecavendis periculis, qua reparandis mature damnis, in prave scripta acrius animadvertere.

Itaque Concilii Tridentini Pa t res , ad quos Pius IV praede- cessor noster id negotium remiserat, ingenti librorum sive hae- reticorum, sive de haeretica pravitate suspectorum, sive pietati moribusque nocentium contagioni duplici esse ratione occurren- dum existimarunt.

Ac primo quidem, eiusdem Synodi auctoritate lecti ad id praesules et theologi generales quasdam condidere regulas, ut nimirum facilius dignosci posset a quibus generatim libris fi- deles cavere oporteret; tum vero accuratum atque absolutum librorum improbatae lectionis elenchum seu indicem exhara- runt. Quem indicem una cum memoratis regulis, quum per- acta Synodo, ex ipsius decreto, Pio IV praedecessori nostro ex- hibitus fuerit ut ne antea ederetur quam apostolicae auctoritatis robur acciperet, summa diligentia denuo excussum idem Pon- tifex approbavit et ab omnibus observari iussit. - R e s tamen ipsa ferebat ut eiusdem index, novis editis decursu temporis pravis perniciosisque libris, nova additamenta requireret, idque sane ab Apostolica Sede iterum iterumque assidua cura per- fectum esse neminem latet.

Ita quidem Clemens VIII ac deinceps Alexander VI I et Be- nedictus X I V praedecessores nostri indicem ipsum, insertis iis libris quos postmodum Summi Pontifices vel per litteras apo- stolicas, vel per Romanas Congregationes, praecipue Inquisi- tionis atque Indicis, proscripserant, in meliorem aptioremque formam redactum, quasi inno varunt. Quum vero a Benedicti X I V