Albert the Great, Commentarii In Psalmos

Dicit ergo: Sic custodi me, " ne erubescam, neque irrideant me, " non amici qui aliquando irrident ad solatium, sed " inimici mei, " qui irrident ad confusionem, scilicet homines mali, qui aliquando irrident bonos. Job, xii, 4: Deridetur justi simplicitas. Sap. v, 3 : Hi sunt quos habuimus aliquando in derisum, et in similitudinem improperii. Vel daemones, qui quos capiunt, irrident in ignorantia Dei. Habac. 1,10 : Et tyranni ridiculi ejus erunt. Gregorius: " Tanto " magis diabolus nos irridet, quanto ma" gis nos sibi obsequentes videt. "

" Etenim universi qui sustinent te. " Ecce secundum. Quasi diceret: Non irrideant, et scio quod ita erit, propter patientiam meam. " Etenim universi qui sustinent te, " patienter scilicet sicut ego, secundum illud Psal. XXVI, 14 : Exspecta Dominum, viriliter age: et confortetur cor tuum, et sustine Dominum. " Sustinent, " inquam, malum paenae in- ferentem. Isa. XXVI, 8 : In semita judiciorum tuorum Domine sustinuimus te. Sustinent te bona differentem. Eccli. xxxvi, 18 : Da mercedem Deus sustinentibus te. Sed non confundentur frustrati: quia et a paena liberabuntur, et gloria dotabuntur. Eccli. I, 29 : Usque in tempus sustinebit patiens et postea redditio jucunditatis. Psal. xc, 15: Cum ipso sum in tribulatione, eripiam eum, liberando a paena, et glorificabo eum, dotando gloria.

Ante hanc clausulam," etenim, "ponitur Ghimel., AdminBookmark quod interpretatur plenitudo, quia patientia, perfectio, et plenitudo virtutum est, Jacob. I, 4: Patientia opus perfectum habet. Et quia retributio poenae inferenti mala, Jerem. xx, 11 : Qui persequuntur me, cadent,et infirmi erunt. Et gloriae patienter sustinenti, Ad Hebr. VI, 12: Qui fide et patientia haereditabunt promissiones.

" Confundantur omnes iniqua agentes supervacue. " Hic specificat, qui sunt digni confusione. Et continuat: Quasi diceret : Sic non confundentur qui sustinent te, " sed confundantur, " si deprecatio est, est verbum pietatis, et optatio bonae confusionis, de qua Eccli. IV, 25 : Est confusio adducens peccatum, et est confusio adducens gratiam et gloriam : secundum illud Matth. v, 44 : Orate pro calumniantibus, et persequentibus vos. Vel potest esse maledictio quaedam matris Ecclesiae in pravos filios et perversos, concordando divinae justitiae. Eccli. iii, 18 : Est maledictus a Deo, qui exasperat matrem. Sed qui et quare confundentur? " Omnes iniqua agentes, " contra Ecclesiam et veros Ecclesiae filios. Et hoc " supervacue, " id est, frustra pugnabunt mali, qui quidem semper mipugnabunt bonos, sed tandem non praevalebunt. Jerem. I, 19 : Bellabunt adversum te, sed non praevalebunt. Nec mirum : Ecclesia enim est civitas, et domus fortis fundata supra firmam pe- tram. Matth. XVI, 18 : Et super hanc petram aedificabo Ecclesiam meam. Proprie autem iniqua agentes sunt, qui temporalia male acquirunt, et tales multi. Amos, IX, 1 : Avaritia in capite omnium. Isti agunt dupliciter, vel in rapiendo, sicut nobiles, vel fraude, ut mercatores. De primis, Isa. IN, 15 : Quare atteritis populum meum, et facies pauperum commolitis ? Amos, III, 10 : Nescierunt facere rectum, dicit Dominus. De secundis, Amos, VIII, 5 : Imminuamus mensuram, et augeamus siclum. Et hoc " supervacue: " quia non prosunt sic congregatae divitiae. Versus :

Non hobet eventus sordida praeda bonos.

Proverb. XII, 27 : Non inveniet fraudulentus lucrum. Isa. xxxiii, 1: Vae qui praedaris, nonne et ipse praedaberis? Agunt etiam " supervacue: " quia vana sunt temporalia, et vacua penitus a fructu etiam in praesenti, secundum illud Eccle. v, 9: Qui amat divitias, fructum non capiet ex eis. Nec in futuro, Proverb, XI, 4 : Non proderunt divitiae in die ultionis. Imo si fructum faciunt, non nisi amarum, Nahum, III, 8 : Cujus divitiae, mare. De utroque, Eccle. I, 14: Vidi cuncta, quae fiunt sub sole, et ecce universa vanitas, quantum ad primum, et afflictio spiritus, quantum ad secundum.

." Vias tuas Domine. " Hic secundum, in quo petit viae notitiam, et praemittitur petitio. Secundo, persuasio,quod acquiescere debet Deus petitioni, ibi, " Quia tu es Deus Salvator. "

Duo autem petit. Primo, ut doceatur verbo. Secundo, exemplo, ibi, " Dirige me. " Et verbo primo, mandatorum viam. Secundo, consiliorum semitam, ibi, " Et semitas. "