3 1 2 NEAPOLITANA

matrimonii nullitatem ex defectu consensus, contendit sese celebrationi matrimonii haud interfuisse, seque inscio et invito, quemdam Nicolaum, sui personam simulantem, con- sensum praestitisse. Ast, quaesivit defensor, curnam Neapo- litana curia Parochum, testes, et ipsum Nicolaum, qui adhuc vivit, non interrogavit? Et sane credibile ne est, parochum accepisse Nicolaum pro ipso Aloysio, quem paucis ante die- bus viderat, ad locutus fuerat, audierat denique sponsalia coram se ineuntem cum Aloysia?

Cum ergo processus eiusmodi multiplici laboret vitio , cumque deficiat concludens et iuridica probatio factorum, quibus innititur sententia Curiae neapolitanae, hinc eadem, omnino infirmanda est.

Omnibus igitur mature perpensis, sequens diluendum pro- positum fuit

Dubium

An sententia Curiae archiepiscopalis quoad matrimonii nullitatem sit confirmanda vel infirmanda in casu.

RESOLUTIO. Sacra C. C. re disceptata sub die 14 Iu- nii 1884, censuit respondere: Affirmative ad primam par- tem, negative ad secundam.

Ex QUIBUS COLLIGES. I. Matrimonium clandestinum illud proprie dici, quod contrahitur absque praesentia parochi , vel alterius Sacerdotis de eius aut Ordinarii licentia , vel absque duobus testibus.

II. Parochum proprium, ad validam adsistentiam eum esse qui celebrationis matrimonii tempore, habet ordinariam iu- risdictionem in contrahentes sive ex. domicilio sive ex quasi domicilio.

III. Ad domicilium legale constituendum requiri factum habitationis cum animo illam perpetuo tenendi; ad quasi do- micilium requiri, ut contrahens habitaverit spatio saltem unius mensis in loco ubi matrimonium celebrat; sic enim cognitus fit ab incolis illius loci ac quasi concivis.