312 PHAREN.

rochialis hora opportuna celebretur, at hoc non tenere in casu. Non enim agitur de die festivo de praecepto, quibus fideles obligantur ad audiendum sacrum.

Quia Episcopus in epistola ad S. C. O. diei 25 Maii 1895, protestatus est, per decretum noluisse nova iura favore pa- rochi constituere, et documentum porrexit, attestationem scilicet Bertoldi Illisé quondam oeconomi curati paroeciae Civitatisveteris, ad comprobandam possessionem favore pa- rochi celebrandi funus in ecclesia coemeterii absque depen- dentia auctoritatis municipalis, notat patronus frustra favore parochi insinuari praescriptionem, quum exploratissimum sit « actus non necessarii, sed mere facultati vi praescriptionem « non inducunt > et quum tempus decurrens ab anno 1876 ad 1885 brevissimum tempus sit incapax omnino ad aliquam praescriptionem inducendam.

In quod propositum recolit causam Balneoregien. - Ora- torii quoad ss. functiones. In medio latifundi vulgo d'Agliano publicum extabat oratorium sacrum B. Virgini delle Grazie, cum unico altari adnexum hórreo latifundi. Moniales Asce- terii del buon Gesù, perantiquae latifundii dominae, praedi- ctum oratorium a fundamentis restaurarunt, et pro spiri- tuali populi beneficio diebus festis de praecepto missam in eodem sacello celebrare faciebant. Anno 1809 cum piorum locorum bona a quaestoribus publicarentur, latifundium ipsum in Cardinalis de Simoni dominium transiit, atque ab eius haerede an. 1852 in Equitem Petrum Valentini emptionis- venditionis contractu, in quem omnia iura venditori spectan- t i a translata sunt. Quum piissimus Eques Valentini missam celebrare facere diebus festis, suis expensis voluisset, parochus territorii instabat ius sibi competere canendi missam in prae- cipua solemnitate, quae in dicto oratorio celebratur feria II Pentec. asserens ipse habere possessionem huiusmodi iuris ab an. 1800 id est per annos 64. Quae causa proposita die 28 Maii 1874 sub dubiis « I. An liceat Equiti celebrare facere missas solemnes, aliasque functiones non parochiales prae- sertim feria II Pentecostes in publico oratorio per capellanum