512 IOSEPHI PENNACCHI

mnatio est, viva insuper in Ordine Seraphico facti memoria, ita ut opellae expunctio non rectis undequaque iudiciis dare locum poterat.

Nos haec tantum exempla afferre contenti fuimus. Quam- vis autem lectores alia producere possint, collationem vete- rem inter et novum Indicem instituendo, veram tamen atque sinceram Romani Pontificis sententiam reperient, quo affirma- vit, multorum operum prescriptionem olim necessariam vel op- portunam, hodie vix non inutilem evasisse. Et Deo gratias.

Optandum tamen est, ne aut Suprema Inquisitio, aut S. In- dicis Congregatio in eiusmodi minoribus opellis, aut illis, quae nullimode fidem attingunt, diiudicandis operam perdant; silen- tio enim pressis iis rationibus, quae e x Constit. Officiorum nunc et deinceps peti debent atque executioni mandari, eius- modi scripta citius tolerantia, quam condemnatione dantur oblivioni.

Declarationes quae post publicatam Constitutionem OFFICIORUM a S. Indicis Congregatione prodiere nostrae commentationi addendae.

Pag. 25 commentantes illa Constitutionis verba: quibusque catholici homines toto orbe religiose pareant, scripsimus, nul- lam e catholicis nationibus excusari ab observantia huius Con- stitutionis.

Id autem per S. Indicis Congregationem declaratum fuit: etenim proposito dubio : « Utrum dicta Constitutio vim obliga- « toriam habeat etiam pro regionibus britannici idiomatis, quas « tacita dispensatione frui quidam arbitrantur ? »

Sacra Congregatio omnibus mature perpensis , sub die 19 Maii 1898, responderi mandavit: affirmative (1).

Exponentes similiter verba § 5, iis dumtaxat, qui studiis theologicis vel biblicis dant operam; hos intelleximus nedum qui in Universitatibus, Collegiis, Seminariis S. Theologiae, aut divinarum Scripturarum cursum scholasticum conficiunt, sed illos etiam qui hisce studiis scientiisque animum applicant, sive ecclesiastici sint, sive saeculares (2). Haec autem nostra inter

(1) Acta S. Sedis Vol. XXX, pag. 698. (2) Ibid, pag. 179.