Acta Pii Pp. XII 317

gationem Causa agitari coepta est, ita ut per Decretum, die decima se-

cunda mensis Decembris anno millesimo octingentesimo nonagésimo

octavo editum, rec. mem. Leo Pp. XIII, Decessor Noster, Introductionis

Causae Commissionem manu propria signaverit. Postea, Apostolicis in-

quisitionibus legitime peractis, de Ioannae Delanoue virtutibus disce-

ptatio inita est. Porro, die vicesima mensis Aprilis anno millesimo non-

gentesimo vicesimo, Congregatio Antepraeparatoria, coram cl. mem. Car-

dinali Andrea Frühwirth, ex Ordine Praedicatorum, tunc temporis Cau-

sae Ponente seu Relatore, habita fuit. Praeparatoria vero, Cardinali

Camillo Laurenti, rec. mem., Sacrae Rituum Congregationis Praefecto,

Cardinalibus adstantibus, die vicesima quarta mensis Maii anno mille-

simo nongentesimo vicesimo septimo, subsecuta est. Congregatio demum

Generalis coram Pio Pp. XI, fel. rec, Decessore Nostro, habita est die

vicesima octava mensis Maii anno millesimo nongentesimo vicesimo nono.

In ea a supra memorato Cardinali Ponente propositum est dubium de he-

roicitate virtutum sive theologalium sive cardinalium Venerabilis Dei Fa-

mulae Ioannae Delanoue : disceptationi aderant tum Eminentissimi Car-

dinales tum Patres Consultores, qui suffragia sua ediderunt. Idemque

Decessor Noster virtutes ipsius Venerabilis heroicum attigisse fastigium

Decreto suo sancivit eodem anno, die septima mensis Iunii. Agitata dein

quaestione de tribus miraculis, quae, ipsa Virgine intercedente, a Deo

patrata ferebantur (quum a quarto, ex apostolica benignitate, dispen-

satum sit) tres Congregationes habitae sunt : Antepraeparatoria scilicet,

die trigesima prima mensis Octobris anno millesimo nongentesimo tri-

gesimo nono, coram S. R. E. Cardinali Carolo Salotti, tunc Sacrae Ri-

tuum Congregationis Praefecto atque Causae Ponente, quem Deus ad

caelestem patriam nuperrime vocavit ; Praeparatoria autem, adstantibus

eiusdem Sacrae Congregationis Cardinalibus, die decima octava mensis

Iunii anno millesimo nongentesimo quadragesimo. In Generali demum

Congregatione die decima prima mensis Novembris anno supra mille-

simum nongentesimo quadragesimo primo coram Nobis habita, dubio de

miraculis ab eodem complorato Cardinali Ponente proposito, omnes Car-

dinales, Officiales Praelati Patresque Consultores, pro sua quisque con-

scientia, responderunt ; Nosmet ipsi, per Decretum die decima sexta eius-

dem mensis editum, de tribus miraculis constare declaravimus, proinde-

que in casu ulterius procedi posse. Illud tantum supererai discutiendum,

num Venerabilis Dei Famula inter Beatos Caelites tuto foret recensenda.

Hoc dubium propositum est a desideratissimi memorato Cardinali Carolo

Salotti in Generalibus Comitiis coram Nobis habitis die sexta mensis

Decembris ipsius anni quadragesimi primi; omnesque qui aderant tam