320 IOSEPHI PENNACCHI

etenim notare libros vere et prorie idem est ac censuram do- ctrinalem in libros instituere, qui ad S. Indicis Congregationem deferuntur; sed in utroque documento circa librorum materiam omnia propemodum decernuntur. Etenim in Const. Officiorum agitur de editione, de denunciatoribus, de praelatis censurae praepositis, de libris praeviae revisioni subiiciendis, de typo- graphis et editoribus librorum; complectitur nempe haec Con- stitutio absolutam plenamque legislationem circa librorum ma- teriam, et minime unas regulas pro notandis libris; constat imo regulas pro notandis libris ex minima parte continere, cum id muneris sibi sumat et absolvat Constitutio Sollicita ac provida Benedicti X I V , in qua vere et proprie traduntur normae pro li- bris notandis. Similiter in antiquis regulis abrogatis contineba- tur universa de libris legislatio; agebatur scilicet de prohibi- tione librorum, de correctione librorum, de impressione libro- rum, de libris prohibitis, nec in Indice nominatim expressis etc. etc. Falsum est ergo tum novam, tum antiquam legislationem ad librorum notationem seu censuram unice pertinere.

Quod si clarissimi Scriptores dixerint, se per verba notan- dis libris, ea omnia voluisse comprehendere quae utrumque complectitur documentum, eo ipso fatentur, Leonem X I I I ver- bis hae de re designasse universam circa libros divulgandos legislationem, et non unam librorum censuram et prohibitio- nem : etenim haec duo duobus capitibus absolvi poterant. Cum autem Legislator nullam librorum classem exceperit, sed, prae- missa antea generali circa librorum materiam Constitutionum, statutorum, iussorumque Decessorum abrogatione, universalia prorsus decreta statuerit, sub iisque librorum etiam liturgico- rum editionem in § 18 comprehenderit, non intelligitur quanta veritate affirmetur, decreta pro libris liturgicis edita manere in- tacta et integra post Leonis X I I I Constitutionem ; verba autem hae de re, alia quidem innuere et denotare, nullimode - vero ad Consitutiones pro libris liturgicis referri, quae est altera cl. op- positorum exceptio.

Post haec demonstrare possumus, Leonem X I I I , dum pa- ragraphum 18 sancivit, ad illas prorsus Constitutiones respexisse, easque habuisse sub oculis; impossibile consequenter esse ut vim suam adhuc retineant.

(sequitur)