S. FIDEI NEOGRANATEN. 323

talibus exercendis aliisque pastoralibus muneribus obeundis in civitate et archidioecesi Sanctae Fidei de Bogota adiu- mento esse possis, praecipue pro missionibus de Casanare, vel alibi obeundis prout ipsemet Archiepiscopus melius in Domino expedire iudicaverit ; ita tamen ut de consensu tantum et licentia praefati Vincentii archipraesulis in ipsa civitate et archidioecesi pontificalia exercere et alia episco- palia munia obire possis iuxta Decretum Sacrae Congrega- tionis Consistorialis a nobis approbatum, Apostolica Aucto- ritate praefata tenore praesentium constituimus et deputamus nec non consuetam congruam quindecim millium francorum illius monetae super integram massam decimalem eiusdem Archidioeceseos iuxta conventionem unanimiter peractam in postremo Concilio provinciali ab Antistitibus Columbiae ha- bito, dicto auxiliaratui iam adtributam auctoritate et tenore praemissis tibi assignamus in Illo, qui dat gratias et largitur praemia ».

Interim die 29 Iulii 1880 Leo Pontifex XII I , novam instituit Dioecesim Tunquensem, per dismembrationem ve- teris Archidioecesis S. Fidei, ab hac divellens provinciam Casanare, de qua est sermo in citatis Decretis, quamque uti suum residentiae locum obtinebat Episcopus Higuera. Hic novae dioecesis, non adhuc sui pastoris solatium habentis administrator renunciatus fuit, in eaque post Episcopi ad- ventum commoratus est diversa explens munera, usque ad annum 1884, quo per Bullam diei 24 Iunii eiusdem anni Decanatum Capituli cathedralis ecclesiae in archidioecesi S. Fidei adeptus est. Archiepiscopo Arbealez die 1 Februarii viam universae carnis ingresso, tres alii successerunt Archie- piscopi; in his hodiernus Herrera, quem apud S. C. C. vocavit Higuera ea intentione, ut ipsum in suum Auxiliarem reco- gnoscat, ipsique solvat annuam congruam sibi attributam, computatis exactis annis a die 19 Martii 1881, quibus congrua soluta non fuit, petens summam 15 libellarum pro singulo anno, aliamque pro rationibus hactenus non satisfactis in vim libellarum 187, 500.