AD COMMENTARIUM ADDITIONES 323

4.° Quid! quod hoc ipsum ex iis demonstrare possumus quae clarissimi oppositores pag. 526 scribunt? Ita enim lo- quuntur.

« Si autem inquiras, qua ergo de causa in § 18, Cap. VII « Constitutio Officiorum ac mulierum de liturgicorum librorum « editionibus se occupet, in promptu responsio est. Quia, nempe « prohibitio cuiuscumque libri, sit sacer, sit profanus, sit asce- « ticus, sit mysticus, sit etiam liturgicus, sit cuiuscumque alte- « rius naturae, id obiectum constituit S. Congregationis Indicis. « Quin imo quodcumque opusculum, quaecumque additio, quae- « cumque mutatio in codicibus quibuscumque Ecclesiae, con- « sequenter et in liturgicis, statim ac prodit in lucem, provinciam « ingreditur eiusdem S. Congregationis Indicis. Quod nihilomi- « nus non vetat, quominus a S. quoque Rituum Congregatione « aliquid prohiberi possit, si Sac ros Ritus respiciat, ut compro- « batur de iis, quae in paragrapho IV Decretorum Congregatio- « nis Indicis recensentur, quippe quae ab ipsa quoque S. R. Con- « gregatione fuere prohibi ta».

His autem verbis oppositores nostri evidenter asserunt, ad S. Indicis Congregationem pertinere etiam de libris liturgicis, deque eorum editionibus sese occupare. Sed ex Constitutione Officiorum plane constat, in rebus ad libros spectantibus Sa- cram Indicis Congregationem uti unice debere decretis gene- ralibus Constitutionis eiusdem: edere decreta generalia statui- mus.... quibus idem Sacrum Consilium posthae utatur unice. •Quod de cetero ipsi praestantissimi Scriptores concedunt, dum pag. 523; post recitata Leonis X I I I verba inferunt: « E x his « verbis constat, Constitutionem novam cum suis Decretis, seu « titulis, capitibus, numerisque omnibus et singulis illam se- « quentibus, unicam efformare normam, qua uti debet Sacrum « Consilium in notandis libris ». Ergo Sacra Indicis Congregatio non tenetur, nec debet uti aliis decretis in libris notandis, id est explicanda propria auctoritate circa omnia illa, quae prae- scribuntur in Const. Officiorum, quae inter est editio librorum liturgicorum. At si vim suam adhuc retinerent antiquae Con- stitutiones Romanorum Pontificum circa libros liturgicos, Sa- cra Indicis Congregatio illas observare teneretur. Falso igitur Leo X I I I praescripsisset, Sacrum Consilium uti unice debere decretis generalibus a se editis, et falso intulissent cl. Opposito- res quae paullo ante retulimus.