S. FIDEI NEOGRANATEN. 525

igne-tam. Nam duae iure recensentur coadiutoriae species; alia est temporanea, alia est perpetua. Coadiutor tempora- neus ad nutum amovibilis est , ac morte coadiuti aliisque de causis ab officio cadit ; Coadiutor perpetuus ille tantum- modo appellatur qui, cum iure successionis, a Romano Pon- tifice eligitur ; Ferraris ad verbum Coadiutoria, omnesque iuris canonici doctores. Iamvero, instat Patronus, coadiu- toriam perpetuam seu cum iure succedendi Archiepiscopo Arbealez, nemo ei concedit, nec ipse umquam sibi arrogavit.

Itaque, concludit Orator, Archiepiscopatus Coadiutoria ut aliquid novum, abnorme, a iure nostro exorbitans, sane admittenda non est , nisi, invictis argumentis, ita res se habere probetur. Quae enim a iure exorbitant, quae odiosa sunt , quae Episcoporum iurisdictionem limitant probanda sunt. Reg. iur. 15-28 in VI.

Quia ex illis verbis Decreti Concistorialis erectionis suf- fraganeatus factae, perpetuum in modum, arguit adversarius, se esse Auxiliarem perpetuum ; hoc inficiatur Advocatus ; ex allato Decreto deducens. R. Pont. Gregorium XVI duo constituisse, videlicet I o . ut in dioecesi S. Fidei perpetuum in modum adesset Episcopus titularis, qui, etiam sede va- cante, pro lubito Capitularis vicarii, quae propria sunt epi- scopalis ordinis exercere posset; 2°. ut talis Episcopus titu- laris coadiutoriae munus exerceret, quam ipse in provincia Casanare instituerat. Quare iuxta decretum Gregorii XVI in dioecesi S. Fidei perpetuus esse debebat Episcopus titu- laris ; non perpetuus coadiutor, arguit Orator, qui praeterea advertit quod etsi admittatur Coadiutoriam perpetuam con- stitutam fuisse, tamen probandum est, in perpetuum fuisse concessam Adversario : quum necessario in officiis distin- guatur perpetuitas subiectiva ab obiectiva; et, in themate, videatur Coadiutor concessus personae Archiepiscopi, non Sedi.

Imo neque perpetuitas officii coadiutoris absolute ex prae- fato decreto deduci potest, iuxta Patronum, quia Suffraga- neatus « hic et nunc, interea » « attenta praesenti temporum