AD COMMENTARIUM ADDITIONES o25

Et quantum ad l m attinet observamus, decreta omnia a cl . Scriptoribus allata praecedere annum 1897, id est Constitu- tionem Officiorum, etenim non superant annum 1871; qua de causa nullum contra nostram sententiam suppeditare possunt argumentum, ad quam labefactandam oportuisset afferre de- creta posteriori tempore data.

Ad 2 m iam respondit cl. Vermeérsch , qui lectores suos monuit, ante promulgatam Const. Officiorum iam coeptam fuisse recognitionem novissimae Rituum Collectionis; qua de causa haec S. Congregatio institit Decretis adhuc vigentibus, eaque Collectioni inseruit decreta, ex quibus oriturae quaestiones di- rimendae erant. Sed quaestio est: an haec decreta, quamvis Collectioni inserta, vim suam retineant post Leonis X I I I Con- stitutionem? An S. Rituum Congregatio posset editionem libro- rum liturgicorum authenticis exemplaribus plane conformem, sine aliqua Episcoporum et Congregationis Rituum venia con- fectam nunc prohibere? An editores nunc non possent per § 18 Constitutionis Officiorum sibi consulere? De cetero ex quo in Collectione Decretorum S. Rituum Congregationis adhuc alle- gata ab ipsis decreta inserantur, non sequitur illa vim suam modo retinere, neque ex illa parte, quae in Constitutione Offi- ciorum retenta fuit, et confirmata, qua scilicet prohibetur in editionibus librorum liturgicorum aliquid immutari; id enim vim retinet ob Constitutionem Officiorum.

Ut argumento rem confirmemus opportuno, norunt Rmi Patres oppositores per Constitutionem Apostolicae Sedis mode- rationi a Pio Papa IX limitatas fuisse censuras omnes latae sententiae, consequenter abrogatam fuisse excommunicationem maiorem iis inflictam, qui ausi fuissent libros liturgicos in ali- qua re immutare; norunt etiam multam quingentorum scuta- torum auri in desuetudinem abiisse; attamen Constitutiones il- lae adhuc inseruntur libris liturgicis prout ab Romanis Ponti- ficibus latae fuere. Num poenae inflictae vim retinent, quia la- tae Constitutiones adhuc inseruntur Missali, Breviario Romano, aliisque libris liturgicis?

Quid demum si idcirco lata decreta inseruntur, non quia vim retineant, sed quia authentica sunt, seu genuina, lata sci- licet vere ab ipsa S. Rituum Congregatione? Quot enim in Co- dicibus leges principumque placita existunt, quae nullam qui- dem nunc obligationem inducunt, attamen authentica sunt, et