S. FIDEI NEOGRANATEN. 529

liaratu dioecesis S. Fidei ; imo evidenter R. Pontifex in alia dioecesi illum auxiliarem elegit, ut « peculiari benevolentia eum complecti volens » redditus ei assignaret, quos in dioe- cesi S. Fidei propter amissam coadiutoriam, amiserit.

Sed expresse, iuxta Patronum, Pontifex Leo XIII declarat D. Higuera, post erectam dioecesim Tunquensem S. Fidei Auxiliarem iam fuisse, quia in Bullis collationis Decanatus decernitur « Nos, qui uti accepimus, venerabilis fratris nostri archiepiscopi S. Fidei de Bogota, Auxiliaris iam fuisti etc. ».

Verum quum Rev. D. Higuera opponat se in dataria apostolica Syngrapham vulgo minutam vidisse in qua ro- manus pontifex scripsisset : « Nos qui uti accepimus vene- rabilis fratris nostri archiepiscopi S. Fidei de Bogota auxi- liaris existis etc. » notat Advocatus in Dataria apostolica nonnisi duo documenta reperiri. Primum est documentum originale bullae decanatus quod in archivio Datariae ser- vatur : in hoc legitur : « auxiliaris iam fuisti ». Aliud est modulus originalis supplicationis, qua ipse Moyses Higuera decanatum a romano pontifice petit una cum rom. pontificis responsione, ac originali subscriptione. Ipse ita supplicat : « Bme Pater , - Cum decanatus metropolitanae ecclesiae S. Fidei de Bogota, qui inibi dignitas post pontificalem maior existit, per obitum quondam Raphaelis Plata, illius dum vi- veret ultimi possessoris, extra romanam curiam defuncti, aut alia certo alio modo vacaverit et vacet ad praesens, supplicat igitur humilis S. S. devota creatura una Moyses Higuera episcopus titularis Maximopolitanus ac iam S. Fidei de Bo- gota archiepiscopus auxiliaris existens quatenus eum amplioris gratiae favore prosequendo decanatum praefatum etc. » Item « Auxiliaris iam fuisti » legitur in Syngrapha vulgo Minuta quae ab Expedi tore Apostolico servatur.

Hisce addit Procurator pontificem in bulla decanatus Revmum Higuera episcopum titularem Maximopolitanum tantummodo denominare, et autumat nullum haberi ponti- ficium documentum quo post erectam dioecesim Tunquensem auxiliaris S. Fidei denominetur.