Albert the Great, Commentarii In Psalmos

Dicit ergo: Sic dilexi utramque do mum tuam. Ergo Domine, " ne perda, cum impiis, " qui te oderunt, scilicet cun paleis aeterno igne comburendis granum Genes, xviii, 25 : Absit hoc a te Domini qui judicas omnem terram, ut rem ham facias, ut pereat, qui diligit et habe charitatem. I Joan. III, 14 : Nos scimlls quoniam translati sitmus de morte at vitam, quoniam diligimus fratres. E nota, quod impii dicuntur perdi : quam vis enim dicatur ad Hebr. IV 13. Non es ulla creatura invisibilis in conspecti ejus, tamen perdentur, quia ab ipse erunt incogniti in die judicii, et post Matth. xxv, 12 : Amen dico vobis : Nescio vos. Proverb, II, 22 : Impii de terre perdentur. Et inde quia cum habeat hic corpus et animam et possessionem, de sola anima sollicitus est. Deut, IV, 15 : Custodite sollicite animas vestras.

" Et cum viris sanguinum vitam meam. " Ecce secundum. Quasi diceret: Quia dilexi locum habitationis gloriae tuae, " ne perdas cum impiis " qui oderunt te : et quia dilexi decorem domus tuae, ne perdas " cum viris sanguinum " qui peccant in proximum odiendo ipsum. I Joan. III, 15 : Qui odit fratrem suum, homicida est. Proverb,XXIX, 10 : Viri sanguinum oderunt simplicem. Et nota, quod viri sanguinum appellari possunt consanguineorum amatores, Michae,III,

10 : Vae qui aedificatis Sion in sanguinibus. Vel qui panem vel spiritualem vel corporalem pauperum defraudat, Eccli, xxxiv, 24 : Panis egentium, vita pauperum est : qui defraudat illum, vir sanguinis est. Vel qui homicidium perpetrat, II Reg. XVI, 7 : Egredere vir sanguinum, et vir Belial. Hi frequenter sicut aliis vitam auferunt, sic inviti et ipsi vitam perdunt, Matth. XXVI, 52: Omnes qui acceperint gladium, gladio peribunt. Et etiam associati eis, Eccli. viii, 18 : Cum audace ne eas in via, ne forte gravet mala sua in te.

" In quorum manibus. " Hic tertium, in quo petit liberari a peccantibus in se. Et hoc vel a peccantibus in se mala faciendo, aut bona, malo tamen modo, ibi, "Dextera Deorum. "

Ait enim : " Ne perdas cum impiis animam meam, et cum viris sanguinum vitam meam. " Nec etiam cum iis, " in quorum manibus, " id est, in quorum operibus, " iniquitates sunt, " id est, quorum opera iniqua sunt. In hoc autem quod dicuntur habere iniquitates in manibus, monstrantur ad bona impotentes, ad diabolum pertinentes, horrorem aliis incutientes, a damnatione inexcusabiles. De primo : Iniquitates vincula sunt, qui ergo iniquitates habet in manibus, vincula habet in manibus, et impotens est ad omne bonum. Proverb, v, 22 : Iniquitates suae capiunt impium, et funibus peccatorum suorum quisque constringitur, ne possit facere bonum. De secundo : Iniquitas est character diaboli, sicut virtus estDei.Apocalyp. xiii, 16: Et faciei omnes pusillos et magnos, et divites, et pauperes, liberos, et servos habere characterem in dextra manu sua. De tertio : Peccatum est coluber. Eccli. XXI 2 : Quasi a facie colubri fuge peccata. Quomodo ergo aliis terrorem non incutiet, qui visos in manibus habet colubros ? De quarto : Fur habens in propriis manibus furtum, inexcusabilis est a judicio. Isa. I, 15 : Manus vestrae sanguine plenae sunt. Et LIX, 6 : Opus iniquitatis in manibus eorum. Ergo suspendatur. Propter haec excutiebat iniquitatem de manibus beatus, Job, XXXI, 7 : Si manibus meis adhaesit macula, non restat nisi quod suspendar. Exod, XXII, 4 : Si inventum fuerit apud eum quod furatus est,... duplum restituet animam scilicet et corpus gehennae tradet.

" Dextera eorum repleta est muneribus. " Ecce secundum, scilicet perversa intentio : si aliquid boni faciunt, non hoc faciunt amore Dei, et justitiae, sed pro muneribus.

Ait enim sic : Iniquitas est in eorum manibus, et etiam " dextera eorum, " operatio eorum ex se bona, " repleta est muneribus, " propter quae facta est operatio illa. Et dicit, " Muneribus, " in plurali, non munere, quia est munus a manu, bursa plena pecunia, vel cuppa aurea, quod replet manus malorum judicum. Munus a lingua, quod replet manus hypocritarum. Et munus ab obsequio, quod replet manus superborum Et nota, quod dicit dexteram muneribus repletam, non oculum, vel appetitum. Eccli, XIV, 9 : Insatiabilis est oculus cupidi. Eccle, v, 9 : Avarus non implebitur pecunia, sed implebitur gehenna. Job, xv, 34 : Ignis devorabit tabernacula eorum, qui munera libenter accipiunt. Et tales sunt majores. Isa. I, 23 : Principes tui infideles, socii furum : omnes diligunt munera, sequuntur retributiones. Michae, iii, 11 : Principes ejus in muneribus judicabant. Isa. v, 23 : Vae qui justificatis impium pro muneribus, et justitiam justi aufertis ab eo.

" Ego autem in innocentia. " Hic secundum, in quo petit collocari in gloria. Et primo, poniturpersuasio ab innocentia in opere. Secundo, petitio, ibi, " Redime me. " Tertio, persuasionis superadditio, ibi," Pes enim meus. "