S. FIDEI NEOGRANATEN. 355

Sede, fretus tantum propria auctoritate, qua fungitur, de- claravit me neque Archiepiscopatus, neque Archiepiscopi Bo- gotensis Auxiliarem esse, abstulitque a me facultates ponti- ficalia et alia quaecumque munia episcopalia exercendi in Civitate et Archidioecesi de Bogota, non obstante mea du- plici Dignitate Episcopali et Decani Ecclesiae Metropolitanae. Postea vero misit litteras, quas ego nondum vidi, ad Emi- nentissimum Cardinalem Marianum Rampolla del Tindaro Suae Sanctitatis a Secretis; et Eminentissimus Dominus, bona fide indubitanter, non bene expositis iuribus et factis usque adhuc scriptis responsum dedit contra iura mea, acqui- sita in Litterarum Apostolicarum virtute ab anno 1876 in hodiernum, ut antea dixi, pacifice possessa, et tandem in audientia mihi concessa, die X Iulii huiusce anni, Deo gratias, a temetipso, Sanctissime Domine Noster, quem Deus sospitem servet, verbo confirmata.

« Cum sui ordinis spectatissimum sit Sacrae Congrega- tionis Consistorialis Decretum, in quo Sanctae Fidei Bogo- tensis Archidioeceseos privilegium Episcopum titularem Auxi- liarem seu Suffraganeum semper habendi - perpetuum in mo- dum - fundatur, existentibus, hoc ipso temporis momento, eisdem causis, per quas eiusmodi Decretum datum fuit, Illu- strissimus Dominus Archiepiscopus Herrera, inconsulta Sancta Sede, sua sponte, sua sola auctoritate, caducum factum esse quoque declaravit.

« Sexto. Dicetur forsan Archidioeceseos Sanctae Fidei Bogotensis massam decimalem tantam non esse, ut sufficiens sit uti congrua episcopalis Auxiliaratui de Bogota iam attri- buta a Patribus Concilii Provincialis et mihi a Sanctissimo Domino Nostro Papa Pio IX assignata dari possit. Sed ad hanc obiectionem respondetur : dictam decimalem massam ex Bulla, quae incipit Coelestem Agricolam, a Domino Nostro Gregorio XVI, anno 1835, septimo kalendas Octobris, expe- dita, cumulum habuisse scutatorum ducentorum octoginta seu millium. Scilicet Sc. 286, 000.

« Ab hac quantitate cumulus triginta millium scutatorum