S. FIDEI NEOGRANATEN. 337

« Septimo. Obiiciunt Dominus Archiepiscopus Herrera Capitulumque Bogotense tantum, per Decanatus Bullam Sanctae Fidei Bogotensis Archidioeceseos seu Archiepiscopatus Auxiliaratum vacasse. Sed hoc esse non potest, propter tria.

« Primo. Quia in dicta Decanatus Bulla clausula non invenitur aliqua ex qua deduci possit talem Auxiliaratum vacasse : sicut contra in meae institutionis episcopalis Bulla inveniuntur haecce verba, quibus Parochia De Succursu nuncupata, quam ad praesens ego ipsemet tunc temporis possidebam, vacans a Summo Pontifice Pio IX declaratur ; nempe : « Volumus autem quod Paroeciam vulgo de Succursu nuncupatam quam in Archidioecesi Sanctae Fidei de Bogota ut accepimus ad praesens obtines per solas provisionem et profectionem huiusmodi vacet eo ipso ». Certum est enim quod : Legislator seu Lex quod voluit expressit ; et quod non expressit noluisse censendum est.

« Secundo. Quia tutemet ipse, Beatissime Pater, in De- canatu mihi conferendo, amplioris gratiae favore prosequi voluisti tantum; sed nequaquam aut iura mea maiora, vel Dioecesis Bogotensis privilegia Sacrae Congregationis Con- sistorialis Decreti vi concessa tollere. Haec enim sunt ipsius Decanatus Bullae verba : « Leo Episcopus Servus Servorum Dei Venerabili Fratri Moysi Higuera Episcopo titulari Ma- ximopolitan. salutem et Apostolicam Benedictionem. Per- sonam tuam Nobis et Apostolicae Sedi devotam tuis ita exi- gentibus meritis paterna benevolentia prosequentes, illa tibi favorabiliter concedimus, quae tuis commoditatibus fore con- spicimus opportuna Nos qui , uti accepimus, Archiepi- scopi S. Fidei de Bogota Auxiliaris iam fuisti, amplioris

gratiae favore prosequi volentes, decanatum praefatum Apostolica tibi auctoritate conferimus, deque illo etiam pro- videmus »

« Itaque voluntas tua, Pater mi in hac Decanatus Bulla perspicuissima videtur, ut legenti patet.

« Tertio. Quia Beatitudinis Tuae mens, Deo gratias, tam in Decanatus Bullae Syngrapha (vulgo Minuta), quam in

Acta, Tom. XXIX. fase. CCCXLII. 22