Albert the Great, Commentarii In Psalmos

Dicit ergo : Sic data est mihi gratia resistendi malo, et etiam " unam, " pe- tilionem scilicet, id est, unum petibile "petii " a Domino. III Reg. II, 20 : Pe-titionem unam parvulam ego deprecoi a te, ne confundas faciem meam. Sed " unam " dicit infoeminino, non nisi quia illud quod petit, est res foecunda, omni bono plena. Sap. VII, 11 : Venerunt mihi omnia bona pariter cum illa. Item, " unam " dicit : quia unum est, quod est indivisum in se, divisum autem ab aliis. Et ipse petit habitationem Ecclesiae triumphantis, ubi omnes unum sunt I ad Corinh. VI, 17 : Qui adhaeret Deo, unus spiritus est. Si omnes ibi adhaerent Deo, ergo unus spiritus sunt, scilicet unius voluntatis, et in cognitione unum, et divisum ab aliis, ab his, qui hoc infra sunt loco, quasi per distantiam infinitam. Item, " unam " petit uxorem contra bigamos. Et hoc "a Domino, " quia Proverb, XIX, 14 : Domus et divitiae dantur a parentibus : a Domino autem proprie uxor prudens

Vel " unam petii a Domino " praebendam, vel Ecclesiam. Jacob, iii, 1 : Nolite plures magistri fieri. Glossa, " in pluribus Ecclesiis, " et " a Domino, " non ab homine, ne esset simonia. Eccli,VII, 4 : Noli quaerere a Domino Ducatum.

" Hanc requiram. " Non cessabo, sciens illud Luc. XI, 8 : Et si ille perseveraverit pulsans dico vobis, et si non dabit illi surgens eo quod amicus ejus sit : propter improbitatem tamen ejus surget, et dabit illi quotquot habet necessarios.

" Ut inhabitem. " Ecce quid petit et requirit, caelestem habitationem quae domus Dei est. Baruch, ut, 24 : 0 Israel, quam magna est domus Dei, et ingens locus possessionis ejus! Et hoc " omnibus diebus vitae meae. " Quasi diceret : Non cessabo. Et in iis verbis secundum hoc, instruimur in orando, ut sit in nostra oratione unitas, non multa petendo, sed " unam. " Matth. VI, 7 : Orantes nolite multum loqui. Sit diuturnitas, " petii, " et continuitas, " hanc requiram omnibus diebus vitae meae. " Eccli,XVIII, 22 : Non impediaris orare semper. Luc. xviii, 1 : Oportet semper orare, et non deficere. Sit spiritualis, " Ut inhabitem in domo Domini. " Matth. VI, 33 : Quaerite primum regnum Dei. Vel " ut inhabitem in domo Domini omnibus diebus vitae meae. " " Omnibus diebus " praesentis vitae in militante Ecclesia merito : et post " omnibus diebus, " gloriose in domo Ecclesiae triumphantis. De primo, ad Rom. viii, 38 : Neque mors, neque vita, etc. De secundo, Apoc, III, 12 : Qui vicerit, faciam eum columnam in templo Dei mei, et foras non egredietur amplius.

" Ut videam voluntatem . " Ecce tertium. Ad quid petit hoc tam instanter? propter duo, ut videat gloriam divinitatis, et etiam humanitat,Christi, ibi, " Et visitem. "

Ait enim : Sic petii et petam, et hoc feci et faciam, " ut videam voluntatem Domini, " fieri in caelo omnino, et impleri virtute gloriosae divinitatis suae illam voluntatem, de qua Matth. VI, 10 : Fiat voluntas tua, sicut in caelo, et in terra. Vel " videam voluntatem " Domini, est transitiva constructio, id est, ipsum Dominum qui sua voluntas est, per speciem, quem nunc cognosco per fidem. I ad Corinth XIII, 12 : Videmus nunc per speculum in aenigmate : tunc autem facie ad faciem.

" Et visitem templum ejus, " naturam in Christo humanam, vel ipsum Christum hominem qui templum est divinitatis. Ad Coloss, II, 2 : In ipso in habitat plenitudo divinitatis corporaliter. Apoc, XXI, 22 : Dominus Deus omnipotens, templum illius est, Agnus. In his autem duobus tota consistit vita aeterna. Joan.

XVII, 3 : Haec est vita aeterna : ut cognoscant te, solum Deum verum, et quem misisti Jesum Christum.

Vel etiam in praesenti ad hoc peto inhabitare Ecclesiam militantem, " ut videam v corde intelligendo, " voluntatem Domini, " ejus scilicet praecepta, non litteraliter ruminando. II ad Cor. III, 6 : Littera occidit, spiritus autem vivificat. Et hoc ad intellectum illuminandum. Mandatum enim lucerna est, et lex lux . " Et visitem templum ejus, " corpus scilicet Christi in altari frequenter sumendo. Templum, inquam, a Judaeis in passione solutum, sed in resurrectione reparatum. Joan. II, 19 : Solvite templum hoc, et in tribus diebus excitabo illud.

" Quoniam abscondit me. " Hic secundum, in quo recolit gratias agendo de beneficio perseverandi in gratiarum actione.

Duo ergo dicuntur. Primo, enumerantur beneficia quae a Deo recepit. Secundo, quod laudes, et quas laudes pro illis recolit, ibi, " Circuivi et immolavi. "

Duo autem enumerantur in parte prima. Primum, protectio contra hostes suos. Secundo, sublimatio contra illos, ibi, "In petra exaltavit me. "

In prima duo secundum duo per quae dicit se protectum. Primum, fides de divinitate. Secundum, fides ex humanitate, ibi, " Protexit me in abscondito. "